1 Timoti 4:8 - Chipangano Chabwangu

⁸ Pantu ukuchinchila kulakoshako umubili panini, kuntu ubumi ubwakuchinshika Lesa bulafwilisha munshila shonse pakuti bulashininkisha ukushuka kwashino nshiku, elo nakunshita ikoyisa.

1 Timoti 4:8 Referans Kwoze

Mateyo 6:33

Echo baleni mufwaye ubufumu bwakwe nokubanakila, elo fyonse mfi fyakupelwa kuli mwe.

1 Timoti 6:6

Nachine ukulomba Lesa ebusambashi ubukulu, ichikulu umuntu akopima ifyo akwete ukuti filimulingile epela.

1 Yohane 2:25

Nchi echo Klistu umwine alayile ukutupa, ubumi bwamuyayaya.

Maliko 10:30

uutayise kupokela ifinji muli njino nkulo. Akwisa kupokela mananda ukuchila imiku umwanda umo, bawabo, bankashi, banyinabo, abana, amabala, kuntu nefisunsho alikuli nafyo, epo munshita ikesako akwisa kupokelapo ubumi butapwa.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

Ukufisulula 3:21

Onse uwakuchimfya nakumusuminisha ukwikala nandibo pamupando wanji uwabufumu, kubati nimfilya nachimfishe nokwikala na Bata pamupando wabufumu.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

Ukufisulula 3:12

Onse uwakuchimfya, nakumupanga ukuba ichitebe munanda yaku Lesa wanji, takafumemo iyowo. Pali ye nakulembapo ishina lyaku Lesa wanji nelyamusumba wanji, ekuti Yelusalemu wabwangu, ukafuma kumulu kuli Lesa wanji. Pali ye nakulembapo nakambi ishina lyanji ilyabwangu.

1 Kolinto 8:8

Nachine ichakulya tekuti chitufikishepo kuli Lesa iyowo. Nga tatulilepo, tatulufyapo akantu nangu kamo iyowo, nakambi atwalya tatusangamo akantu nangu kamo iyowo.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

1 Kolinto 3:22

Paulo, Apolosi na Petulo, ichalo, ubumi nemfwa, fyonse ifilipo nafyonse ifikoyisa. Fyonse mfi fyenu,

Mateyo 19:29

Na uyo onse uwasha inanda, nangula bawabo, nangula inkashi, nangula bawishi, nangula banyina, nangula abana, nangula amabala pamulandu wakunebo, akupokelelapo ifinji ukwinekantu ukuchila ifyo ashile. Akupokelela ubumi butapwa.

Mateyo 12:32

Chimo chenka umuntu onse uwakwebaula Umwana wa Muntu kuti anakililwa. Nomba onse uwakupontela Umupashi Wabuta, takanakililwepo nangu munkulo njino nangula muli njilya iikoyisa.

1 Timoti 4:7

Nomba ufumeko kutufuto utwabwaka kubati nintulya utwabakote. Nomba usambilile ukuba nobumi ubwakupela Lesa umuchinshi.

1 Timoti 6:3

Umuntu onse uukosambisha ifipusene namfi wakuyitutumuna. Tasuminapo mumashiwi akwebesha aku Bashikulu Yesu Klistu nefyakusambilila ifyakuchinshika Lesa.

1 Timoti 6:5

nokulaka inshita shonse ukufuma kubantu abo amano abo alyonayika, abatangeshibapo ifyachine. Bena balanguluka ukuti ukulomba Lesa enshila yakusangilamo ububoni.

2 Timoti 3:5

Bakulama tufuto twakulomba, kuntu bakukana ifiso fyatuko. Abantu bamfi, ulokubatalamuka.

Luka 5:38

Echo bikeni waini wabwangu mumatumba ampapa aabwangu!