1 Timoti 4:7 - Chipangano Chabwangu

⁷ Nomba ufumeko kutufuto utwabwaka kubati nintulya utwabakote. Nomba usambilile ukuba nobumi ubwakupela Lesa umuchinshi.

1 Timoti 4:7 Referans Kwoze

1 Timoti 1:4

Ubebe ukuti baleke ukukonka utufuto twakale utuleta bwaka ukutalikana nokusunga amashina ayamikowa aatashilapo. Mfi tafitwalapo kubufwayo bwaku Lesa ubukochitika ukupitila muchichetekelo.

2 Timoti 2:16

Nomba kumashiwi yabwaka aatafwilishapo utalukeko pakuti abantu abomfwa mfi bakutwalilila ukusalula Lesa.

Taitasi 2:12

Ubwanshi mbu butusambisha ukuti tutalamukeko kubumi ubwamusalula nolunkumbwa ulwamufyachalo. Butusambisha ukuba abakwilama, abaololoka nokuchinshika Lesa muli nji nkulo.

Taitasi 3:9

Nomba mutalukeko kufikansa, ulunkonena lwafikolwe, ukulaka nokusula amafunde. Mfi fyonse tafilingilepo nakambi tamupo bupilibulo iyowo.

Hebele 5:14

Nomba ichakulya ichikosele chabantu abashipa. Ukupitila mukuchita ifintu, bangapusanya pakati kafilungeme nefitalungeme.

2 Timoti 2:23

Nomba utalukeko kumashiwi ayapuneme nokutalikishanya, pakuti walishiba ukuti mfi fileta bwaka ulubuli.

2 Timoti 4:4

Bakufutatila ukusambisha kwachine nokukonka ifishimi bwaka.

1 Timoti 6:11

Webo we muntu waku Lesa ulokufitina fyonse mfi. Ulokwesha ukuba nobumi ubwakaele, ubwakuchinshika Lesa, ubwakuchetekela, ubwakutemwa, ubwakushipikisha nobwakuyichefya.

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

1 Timoti 6:20

Timoti, usunge fyonse ifyo wapelwa. Ushe amashiwi akulakaika bwaka, ayo atapelapo umuchinshi kuli Lesa, namashiwi akutalikana awo abantu abapuneme beba ati yamano.

Taitasi 1:14

Ekuti baleke ukukonkelela utufuto twa Chiyuda nokulama amafunde bwaka abakana ukukonka ifyachine.

2 Timoti 3:12

Nachine bonse abakofwaya ukuba nobumi ubwakumfwila Lesa muli Klistu Yesu, bakuchushiwa.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

1 Timoti 2:10

Nomba bayipele mukupyunga imilimo iiweme pantu mfi efyalinga ukuchita abanakashi abayitunga ukulomba Lesa.

1 Timoti 1:9

Tulingile ukwibukisha ukuti amafunde taapangilwa pabantu abaololoka, kuntu bampula-mafunde, notupondo, abatachetekelapo Lesa, imbifi, abatalombapo, abepaya bawishibo nabanyinabo, elo nabantu bambi.

1 Timoti 4:8

Pantu ukuchinchila kulakoshako umubili panini, kuntu ubumi ubwakuchinshika Lesa bulafwilisha munshila shonse pakuti bulashininkisha ukushuka kwashino nshiku, elo nakunshita ikoyisa.

1 Timoti 6:3

Umuntu onse uukosambisha ifipusene namfi wakuyitutumuna. Tasuminapo mumashiwi akwebesha aku Bashikulu Yesu Klistu nefyakusambilila ifyakuchinshika Lesa.

1 Timoti 6:5

nokulaka inshita shonse ukufuma kubantu abo amano abo alyonayika, abatangeshibapo ifyachine. Bena balanguluka ukuti ukulomba Lesa enshila yakusangilamo ububoni.

2 Timoti 3:5

Bakulama tufuto twakulomba, kuntu bakukana ifiso fyatuko. Abantu bamfi, ulokubatalamuka.