1 Timoti 4:6 - Chipangano Chabwangu

⁶ Nga wasambisha bawesu ifintu mfi, wakuba umupyungi uuweme uwaku Klistu Yesu, uwakulila mumashiwi achichetekelo chesu, ekusambisha ifyachine ifyo wakonka.

1 Timoti 4:6 Referans Kwoze

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

Taitasi 2:1

Nomba webo, ulokusambisha ifyalinga nechisambisho ichachine.

Kolose 4:7

Wesu uwatemwekwa Tikikasi, umupyungi uwachetekelwa, nakambi umupyungi munanji mumilimo ya Bashikulu, eukoyisa kumushimikilako fyonse ifyapamulandu wanji.

Mateyo 13:52

Naye elo abasoseshe ati, “Umusambishi uuli onse uwamafunde alisambilila amashiwi aabufumu bwakumulu, aba kubati umwine wananda uufumya muchipawo chakwe ifyabwangu nefyakale.”

Yuda 1:5

Nomba mwilabukilapo ifyachitikile kubantu mbulya Bashikulu bapokolwele ukufuma ku Ijipiti. Bambi abamuli bo tabakwetepo ichichetekelo, elo panuma Lesa alibepeye.

2 Yohane 1:9

Umuntu onse uutekalilila mukusambisha kwaku Klistu, kuntu akolundako, takwatapo Lesa. Lelo uwikalilila mukusambisha nku nakwata bonse babili, Bata no Mwana.

1 Petulo 2:2

Kubati tucheche utukofunga ibele, namwebo mufunge ibele ilinenene ukwebati umukushe nokumufikisha kuchipulusho.

2 Timoti 4:3

Pakuti inshita yakwisa ulo abantu bakukana ichisambisho chachine, kuntu bakukonka ifyamikalile yabo, nokuyifwayila abasambishi abakubeba ifyo bakabila ukumfwa.

2 Timoti 3:10

Nomba webo walishiba bwino-bwino ukusambisha kwanji, imyendele yanji, amapange yanji, ichichetekelo chanji, ukufuka umutima kwanji, ukutemwa kwanji, ukushipikisha kwanji,

2 Timoti 1:6

Pamulandu ngu nkokwibukisha ukuti ichabupe icho Lesa akupele ulo nakubikilepo amaboko anji, uchilange ukuti chisanike ukubati mulilo.

1 Timoti 6:3

Umuntu onse uukosambisha ifipusene namfi wakuyitutumuna. Tasuminapo mumashiwi akwebesha aku Bashikulu Yesu Klistu nefyakusambilila ifyakuchinshika Lesa.

1 Timoti 4:16

Ulokwilama bwino wenka nokusambisha uko ukwete. Utwalilile ukupyunga, winakapo, pantu nga wachita mfi, emo wakupulukilamo pamo nabo abakoumfwa kuli webo.

1 Timoti 1:10

Amafunde nga apangilwa abachenchemeshi nabang’o babantu babubi, bakamboni ababufi nambalya abachita ifintu fimbi ifyabipa ifitalolele muchine.

1 Tesalonika 3:2

Emulandu wine twatumine Timoti, wesu nakambi umubomfi munesu uubilisha Ubutumi Bwawama ubusosa ifyaku Klistu. Twamutumine ukuti ese mukumukoselesha nokumwafwilishako muchichetekelo chenu.

Kolose 2:19

Elo balifumako kuli Klistu umutwi wachilonganino. Muli Klistu umubili onse ulapokela ifiso nokwikatana kwafilundwa fyonse. Echo umubili ulakula nga umo Lesa afwayila.

Filipi 3:16

Nangu chibe shani, twikatishe ifintu ifyo twanonka kale.

Efeso 6:21

Tikikasi, wesu uwatemweka akumweba ifintu fyonse ifyaku nebo, ifyo njikala nefyo nkochita. Ngu mupyungi uwachetekela waku Bashikulu.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

1 Kolinto 4:17

Pamulandu ngu namutumina Timoti, umwana wanji uwatemwekwa nakambi uwachetekela muli Bashikulu. Ye akumwibukisha ifyabumi bwanji muli Klistu, ubo nsambisha mufilonganino fyonse.

Loma 15:15

Nomba muli nji kalata, mumashiwi ambi, namulembela ukufikapo ukuti mwibukishe fimo-fimo. Nkochita mfi pakuti Lesa mubwanshi bwakwe, alinsala ukuti

Imilimo ya batumwa 20:35

Nalimulangilila muli fyonse ukuti mukupyungisha nefiso tufwile ukwafwa bo abatakwetepo ifiso. Ulo tulechita mfi, tufwile kwibukisha amashiwi aku Bashikulu Yesu uwasosele umwine ati, ‘Mukupela emwaba ishuko ukuchila mukupokelela.’”

Imilimo ya batumwa 20:31

Echo mube abayibukila nokwishiba ukuti pamyaka itatu nalikusambisha umo-umo akasuba nobushiku neminsoshi iyinji.

Luka 1:3

Nomba nebo nalikonka bwino-bwino nji milandu ukutula pakutatika. Echo nati kanembe bwino nakuli mwebo mwe batemekwa ba Teyofilasi

Imilimo ya batumwa 1:15

Ulo papitile inshiku shinini, kwali ukulongana kwabachetekela bonse. Pamo bafikile kubati mwanda umo namakumi abili. Elo Petulo ayimakene pakati kabo nokusosa ati,

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

Filipi 2:20

Tanshikwetepo nangu umo uuli kubati ye uuposako amano pafyaku mwebo.

Filipi 2:22

Pakuba mwalishiba ukuti imikalile yakwa Timoti yaba kale apatubile iiweme. Kubati ifyo umwana abomba nabawishi, naye twaliketene pamo mukutanda Ubutumi Bwawama.