1 Timoti 4:4 - Chipangano Chabwangu

⁴ Fyonse ifyo Lesa aapangile fiweme. Echo umuntu talingilepo ukufikanya ukulya. Apokelele fyonse mukulomba Lesa.

1 Timoti 4:4 Referans Kwoze

Loma 14:20

Pamulandu wafyo ulya wiwonaulapo imilimo yaku Lesa iyo achitile. Nachine ifyakulya fyonse kuti fyalikwa, kuntu umwina Klistu abifya ulo alya ichingawisha wakwe.

1 Kolinto 10:25

Fyonse bashitisha muchisankane kuti mwalya ukwambula ukufumba pakuti amalangulushi enu engamuchusha.

Loma 14:14

Ndishibile bwino muli Bashikulu Yesu ukwebati Lesa alasuminisha ukulya ifyakulya fyonse. Nomba nga umuntu achilanguluka ukuba ichibi, echo kuli ye chilabipa.

1 Kolinto 10:23

Kuli insosele iyakuti, “Ifintu fyonse fyalisuminishiwa,” nomba te fyonsepo ifiweme. Nakambi, “Ifintu fyonse fyalisuminishiwa,” nomba te fyonsepo ifyafwa.

Imilimo ya batumwa 21:25

Nomba kubenafyalo abachetekela twalibalembela kalata uwakubeba ukuti tabalingile ukulya ifyakulya ifyakupupilila tungosa wakubasa nangula umulopa, nangula inama iyo bapotwele, nangula ukuchita buchende.

1 Timoti 4:3

Mba bantu balakanya banabo ukuupa nokulya ifyakulya fimbi. Nomba ifyakulya mfi Lesa alifipangile ukuti abantu bonse abachetekela nokwishiba ifyachine balokulya panuma yakulomba Lesa.

Imilimo ya batumwa 15:29

Mulokulyako inama iyo abantu bakopupila kutungosa wakubasa, mulokulyako mulopa, mulokulyako inama iyo bapotwele pamukoshi, nakambi mulokuchitapo ubuchende. Amukolama nga mafunde mukochita bwino. Shalenipo umutende.”

Imilimo ya batumwa 10:15

Ishiwi lyasoselepo nakambi inshita yachibili ati, “Ifyo Lesa awamya, webo wilokufita ifikowesha iyowo.”

Loma 14:6

Uyo onse uulangulukila ukuchinshinka akasuba kamo akochita mfi mukuchinshika Bashikulu. Na uyo onse uulya akantu akali konse akochita mfi mukuchinshika Bashikulu, pakuti akochinshika Lesa pamulandu wapafyakulya. Elo uyo uulya fimo-fimo, alachita mfi mukuchinshika nokutondayisha Lesa.

1 Kolinto 10:26

Amalembo asosa ati, “Ichalo nafyonse ifyabamo fyaku Bashikulu.”

1 Kolinto 10:30

Kati nkotondayisha Lesa pachakulya chanji, nindo umuntu umbi engansulilapo pamulandu wachakulya icho mpokelela mukulomba Lesa?”