1 Timoti 4:2 - Chipangano Chabwangu

² Imisambishishe nji ifuma kubantu abachenjela mukubepa ubufi ubo abo kampingu yabo yalyonayika kubati baochele kuchela ichikabile.

1 Timoti 4:2 Referans Kwoze

Efeso 4:19

Tabakwatapo insoni. Elo baliipela mukuchita ifyabusali nefibi ifili fyonse ukwambula ukuyikanya.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Imilimo ya batumwa 20:30

Napali mwebo kumo, pakuba abantu bambi abalikusosa ifyabufi ukuti bapusaulepo abachetekela bambi nokubakonka.

Ukufisulula 16:14

Nji emipashi iibi ilokuchita ifintu ifikulu. Ilaya kushamfumu shonse ishapanonshi ukuti balongane pamo ukuti bakapumane pakasuba akakulu akaku Lesa Uwafiso fyonse.

2 Timoti 3:5

Bakulama tufuto twakulomba, kuntu bakukana ifiso fyatuko. Abantu bamfi, ulokubatalamuka.

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Mateyo 7:15

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali.

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.