1 Timoti 4:16 - Chipangano Chabwangu

¹⁶ Ulokwilama bwino wenka nokusambisha uko ukwete. Utwalilile ukupyunga, winakapo, pantu nga wachita mfi, emo wakupulukilamo pamo nabo abakoumfwa kuli webo.

1 Timoti 4:16 Referans Kwoze

Taitasi 1:9

Ekale uwayikatilila amashiwi aachine ayo twamusambishe. Muli nchi kuti akoselesha nabambi amasambilisho yachine nokushinina bo abakwetepo fitala.

Taitasi 2:7

Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

2 Timoti 4:2

ubilishe amashiwi aku Lesa. Ubilishe ulo abantu bayipekenye nolo tabayipekenye ukuyomfwa. Ubatalike, ubachenjeshe, ubakoseleshe nokubasambisha umutima-nteka.

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

2 Timoti 3:14

Nomba webo ikatisha amashiwi ayo wasambilile nokuyachetekela. Pakuti walishiba abakusambisha,

Luka 21:34

“Ikaleni abayibukila! Muyiposa mukulya namukukolwa namumasakamiko yaku mbuno bumi, ichakuti nkalya kasuba keyisa kumupumikisha bwaka nokwikatwa

1 Timoti 4:6

Nga wasambisha bawesu ifintu mfi, wakuba umupyungi uuweme uwaku Klistu Yesu, uwakulila mumashiwi achichetekelo chesu, ekusambisha ifyachine ifyo wakonka.

1 Timoti 1:3

Kubati nimfiya nakwebele ulo nalikuya ku Masedoniya, wikale mu Efeso nokukanya abo abakosambisha ifyabufi.

Loma 16:17

Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

1 Kolinto 9:27

Ndachusha umubili wanji ukuti unakile. Nshikofwayapo ukuti nga nashila ukushimikila bambi, nebo nkafwilwe ukupoka ichilambu.

Imilimo ya batumwa 6:4

Nomba fwebo twakutwalilila bwaka ukulomba nokushimika.”

Maliko 13:9

“Echo mwebo muchenjele. Pakuba balikumutwala mufilye, nakambi balikumupamina ifikoti mukati kamananda akulombelamo Lesa. Balikumulubulwisha kuli bakateka nakuli bashamfumu pamulandu wanji, pakuti mwakuba bakamboni banji kuli bo.

Yemusi 5:20

Mwishibe nchi: onse ubwesha umuntu uwaluba munshila yakwe iibi akupulusha ubumi bwamuntu ngulya kumfwa, elo nefibi fyakwe ifinji fyakunakililwa.

Taitasi 2:15

Mfi efyo ulokusambisha. Ulokubachinchisha abantu nokubakonkobesha nefiso fyonse. Kwibapo umuntu nangu umo ukuti akuloleshe pamutwi.

Kolose 4:17

Elo musose kuli Akipasi mwati, “Ulokupyungisha pamulimo uyo bakupela kuli Bashikulu ukuti ukaufikilishe.”

1 Kolinto 9:22

Kubanaka muchichetekelo, ndekala kubati nibo ukwebati mbanonke. Kubantu bonse ndekala kubati nibo ukwebati nonkepo bambi pali bo.

Loma 11:14

Nalimo kuti nalenga abamutundu wanji ukuba nobufuba, elo bamo muli bo bakuchetekela Klistu nokupulushiwa.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Imilimo ya batumwa 26:22

Ukufika nanomba Lesa eulengafwa. Echo njimakene mpano ukupela bukamboni bwanji kuli bonse, kubayiche nakubakulu. Ifyo nsosa fimo fyenka abasoseshi na Mosesi basosele ukuti fili nokwisa kuchitika.

Filimoni 1:19

Nine Paulo newalemba amashiwi nga nokuboko kwanji, ukwebati nkalipila umulandu onse. (Lelo nshikokwibukishako iyowo ukwebati inkongole wakwata kuli nebo bumi bobe.)

1 Tesalonika 2:16

Bo balikutukanya ukubilisha Ubutumi Bwawama kubenafyalo ukuti bapuluke. Mukuchita mfi bakoyilundilapo amabifyo abo, nobukali bwaku Lesa nomba bulifikile pali bo.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Timoti 4:15

Uchinchile ukuchita mfi nokupyunga mukuyipela ukuti abantu bonse babone ubumi bobe ubwabwina Klistu ubo bukokulilako.