1 Timoti 4:1 - Chipangano Chabwangu

¹ Umupashi Wabuta ukotwebako apatubile tuutu ukuti munshiku shakulekelesha abantu bakaposa ichichetekelo chabo. Bakutatika ukumfwila abantu ababufi nokukonka imisambishishe yafibanda.

1 Timoti 4:1 Referans Kwoze

2 Petulo 2:1

Nomba pali abasoseshi ababufi pakati kabena Isilaeli. Echo napali mwebo pakuboneka bakasambisha ababufi. Bakwinjisha mubumfinsolo ifyakusambisha ifyabufi ifyonaula, bakukana na Bashikulu kumo bo ababapulwishe. Echo bakwiletela ubonaushi.

Yuda 1:18

ati, “Kunshita yakumupwilo kwakuba abantu abali kusalula Lesa nabantu bakwe, balikukonkela bwaka mulunkumbwa lwabo ulubi.”

2 Petulo 3:3

Pakwamba mwishibe ukwebati panshiku shakulekelesha kwakwisa bamulengulwila, abakonka ifibi fyabo.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

2 Kolinto 11:3

Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

1 Yohane 4:6

Lelo fwebo tuli baku Lesa. Onse uwayishiba Lesa alatumfwila. Abashishibe Lesa, tabatumfwilapo iyowo. Munshila nji emo Mupashi wachine nowabufi tuwishibilamo.

Yohane 16:13

Nomba ulo wakwisa Umupashi Wabuta, akwisa kufisulula ukwebesha konse ukwaku Lesa. Akwisa kumulangilila ukwebesha konse. Takoyisa kuyisosela ifyamwine enka. Akwisa kusosa pafintu aumfwa, nokumweba pafintu ifyakwisa kuntanshi.

1 Yohane 2:18

Mwe bana banji, nji ninshita yakupelako! Mwalyebelwe ukuti ichipondo chaku Klistu chakwisa. Nomba ifipondo fyaku Klistu ifinji nafiboneka kale. Echo tulishibile ukuti nji ninshita yakupelako.

Ukufisulula 2:11

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, tayakamukumyeko imfwa yachibili.

2 Timoti 4:4

Bakufutatila ukusambisha kwachine nokukonka ifishimi bwaka.

Ukufisulula 20:10

Elo Kachenjeleka uwababepele, aliposelwe muli bemba wamulilo uwaka namabwe asilubale, umo umwali kale ichiswango nomusoseshi wabufi. Echo bakuchula umuyayaya akasuba nobushiku.

Ukufisulula 3:6

“Uyo uuli namatwi, omfwe ifyo Mupashi Wabuta ukososa kufilonganino!

Ukufisulula 2:29

“Uyo uuli namatwi, omfwe ifyo Mupashi Wabuta ukososa kufilonganino!

1 Petulo 1:20

Lesa alimusalile kabela ukuti akapyunge umulimo ngu talatala ichalo. Nomba inshita njino yakumupwilo aliibwenesha kuli mwe pamulandu wenu.

Ukufisulula 18:2

Alibilikishe neshiwi ilikulu ati, “Wawa, wawa Babiloni we wayishibikwa! Wayaluka ichifulo chakwikalamo imipashi iibi, ichakusungilamo nefyoni fyonse ifibipile ifyabusali.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

1 Kolinto 10:20

Iyowo, kuntu ifyo abakunse bapupa bapupila kumipashi iibi, te kuli Lesapo iyowo. Nshikofwayapo ukuti mwebo mube abakumbinkana nemipashi iibi.

Ukufisulula 20:8

Elo akuya mukubepa abantu mufiputulwa fyonse ifyachalo, emukuti Gogi na Magogi. Elo akubalonganya pamo ukuti balwe nakwe. Bakuba abenji kubati misenga yamuli bemba.

Ukufisulula 19:20

Ichiswango nchilya chalikakilwe pamo nabasoseshi ababufi abachitile ifintu ifikulu pamenso akwe. (Ukupitila mufintu ifyafiso ifikulu mfi achitile, alibepele abantu abo abakwete ichishibilo ichachiswango nambalya abalombele ichimpasho ichachiswango.) Ichiswango nabasoseshi ababufi baliposelwe abomi muli bemba wamulilo uwalikwaka nasilubale.

Ukufisulula 18:23

Elo tamwakabonekepo ukusanika kwanyali namashiwi ayabashibwinga tayakomfwikepo muli webo. Elo amashiwi yakwa shibwinga na nabwinga taakomfwikepo muli we nakambi iyowo. Bashimakwebo bobe bali abachindami ukuchila ichalo chonse. Nomba ukusosa ifyabuchenjeshi bobe nobufi, walibepele imishobo yonse.”

Ukufisulula 13:14

Elo chalibepa abantu bonse abekala pachalo pamulandu wafiso ifikulu ifyo chasuminishiwe ukuchita pachinso chachiswango ichakwamba. Ichiswango nchi chalibebele ukupanga ichipasho ichakuchinshikilamo ichiswango nchilya ichalashiwe umwele, kuntu chali nobumi.

Ukufisulula 9:20

Elo kwashele abantu bambi abatayipelwe kufinkunka mfilya. Nangu chali mfi, tabalapilepo nokuleka ifyo bayipangile abene. Tabalekelepo ukulambila imipashi iibi, tungosa wakubasa utwagolide, silubale, umukuba, amabwe nefiti, ifyo ifitabona, ifitomfwa nokutenda.

Ukufisulula 3:22

“Uyo uuli namatwi, omfwe ifyo Mupashi Wabuta ukososa kufilonganino!”

Ukufisulula 3:13

“Uyo uuli namatwi, omfwe ifyo Mupashi Wabuta ukososa kufilonganino!

Ukufisulula 2:17

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, nakumupela mana aatabonekapo ukuti alye. Nakambi nakumupela ibwe ilitubile apalembwa ishina lyabwangu ilyayishibikwa bwaka kumwine uwakupokelela epela.

Ukufisulula 2:7

“Uyo uuli namatwi, omfwe ifyo Mupashi Wabuta ukososa kufilonganino! “Kuli onse uwakuchimfya nakumusuminisha ukulyako kufitwalo ifyakuchiti ichabumi ichaba mukati kachifulo ichakusekelela.

1 Kolinto 12:11

Fyonse mfi Mupashi Wabuta ewubomba mubantu. Alaakanya chila muntu umo umwine afwayila.

Imilimo ya batumwa 28:25

Elo abantu mba bali abapusana mukuchetekela kwabo, ukufuma apo Paulo asosele amashiwi amo ayakuti, “Nachine Umupashi Wabuta walilungamikile ulo asosele kufikolwe fyesu ukupitila mumusoseshi Esaya

Imilimo ya batumwa 17:18

Abantu bambi abamulangwe abalikwitwa Bayipikuleya na Basitoyiki abasambishi balikutalikishanya na ye. Bambi balikusosa ati, “Ngoyu uteshibilepo nangu kamo, findo akososa?” Bambi nabo ati, “Ali kubati akososa pamulandu wabalesa bambi.” Basosele mfi pantu Paulo alikubilisha amashiwi aku Yesu nokubuka kwakwe kubafwa.

Imilimo ya batumwa 13:2

Pakasuba kamo ulo balikulomba kuli Lesa nokuyikanya ukulya, Umupashi Wabuta walibebele ati, “Mpatwileniko Banabasi na Saulo pakuti balokupyunga umulimo uwo nabetile.”

Ukufisulula 16:14

Nji emipashi iibi ilokuchita ifintu ifikulu. Ilaya kushamfumu shonse ishapanonshi ukuti balongane pamo ukuti bakapumane pakasuba akakulu akaku Lesa Uwafiso fyonse.

Mateyo 18:7

Ishamo kubantu bapanonshi abo abalenga abanabo ukubifya! Ina ukubifya epo kwaba, kuntu ishamo kumuntu uyo uulenga abantu bambi ukubifya!

Luka 17:1

Yesu asosele kubakusambila bakwe ati, “Ifintu filenga abantu ukubifya eko fyaba, kuntu alishama uyo fishilamo!

Imilimo ya batumwa 20:23

Nomba icho njishibile bwaka chakuti mumishi yonse umo mpitana, Umupashi Wabuta ulanchenjesha ukuti ichifungo namachushi fikonindila.

Imilimo ya batumwa 21:11

Ulo ayishile kuli fwebo, abulile umushipi wakwa Paulo, ayikakile kumolu nakumaboko. Elo asosele ati, “Umupashi Wabuta wasosa ati, ‘Umwine wamushipi ngu bakumukaka mu Yelusalemu ku Bayuda, nakambi bakumuposa muminwe yabenafyalo!’”

1 Kolinto 2:10

Fwebo Lesa alitufisulwila mfi ukupitila mu Mupashi Wabuta. Pakuti Mupashi ngu ewayishiba ifintu fyonse ukufikapo nefyashika ifyaku Lesa.

1 Kolinto 11:19

Nachine kulingile ukuba ukupatukana pakuti abalungama beshibikwe.)

Yemusi 3:15

Umulangwe wamusango ngu tawufumapo kumulu iyowo, kuntu wapanonshi, wabuntunse uufumu kumupashi uubi.