1 Timoti 3:8 - Chipangano Chabwangu

⁸ Abakwafwa muchilonganino nabo babe abamuchinshi, bekwatapo indimi shibili, bechishapo ukunwa ifyakukola nangula ukufwaya ukukwata ububoni mubuchenjeshi.

1 Timoti 3:8 Referans Kwoze

Filipi 1:1

Nine Paulo na Timoti abapyungi baku Klistu Yesu. Twalembela bonse mwe bekala mumusumba wa Filipi, bo abali bantu baku Lesa muli Klistu Yesu. Tukolembela nakambi intungulushi nabapyungi abachilonganino.

Taitasi 2:3

Mumibelo imo yenka, eba abanakashi abakulu ukuti balokwikala nobumi ubwaololoka. Bebapo abalwambo nangula abasha kubwalwa, kuntu balokusambisha ifiweme.

1 Timoti 5:23

Wilokunwa amenshi enka, kuntu natuwaini ukuti tulokwafwilishako mumala pamulandu uwakulwalilila.

1 Timoti 3:3

Talingilepo ukuba chakolwa nangula uwalubuli, kuntu uwafuuka umutima, uwamutende, uutatemwapo indalama.

Yemusi 3:10

Amashiwi akutotela namashiwi akutipwila afuma mukanwa kamo kenka. Bawesu, mfi tafilingilepo ukuchitika iyowo.

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

1 Timoti 3:12

Uwakwafwa muchilonganino alingile ukukwata umwanakashi umo epela, uwakulela bwino abana bakwe, abasunga bwino abamunanda yakwe.

1 Petulo 5:2

Beni bachembela bambelele shaku Lesa isho amupela. Tekumupatikishapo iyowo, kuntu mukutemwa kwenu, ngomo Lesa afwayila. Mwilokupyunga ngu mulimo pamulandu wakunonkelamo ububoni, kuntu nomutima uufwayilisha ukupyunga.

Loma 3:13

Pamilomo yabo pali kubati nimanda iyachenama, nendimi shabo shayiula bwaka ubufi. Ishiwi ilili lonse basosa, lyaba kubati bulembe bwansoka.

1 Timoti 3:2

Intanjishi yachilonganino ilingile ukuba umuntu uwambula akalema, uwaba nomwanakashi umo epela, uwamutembo, uwakuyilama, uwamuchinshi, uupokelela bwino abalwendo, elo uwayishiba ukusambisha.