1 Timoti 2:6 - Chipangano Chabwangu

⁶ Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.

1 Timoti 2:6 Referans Kwoze

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

Galatiya 4:4

Ulo inshita yafikile, Lesa alitumine umwana wakwe. Umwana ngu afyelwe kumwanakashi, afyelwe uwalingile ukulama amafunde.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

1 Yohane 4:10

Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

1 Kolinto 1:6

Pakuba amashiwi akupela bukamboni bwaku Klistu alishikile muli mwebo.

1 Timoti 6:15

Panshita ilingile Lesa akwisa kutulanga uyo uwashuka ukotungulula enka, Imfumu iyashamfumu, nakambi Shikulu waba shikulu bonse.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

Taitasi 1:3

Elo panshita iilingile, afisulwile nchi mumashiwi akwe. Nomba nkosambisha amashiwi nga ukubati nimfilya Lesa Umupulushi wesu andayile.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Loma 5:6

Ulo tatwakwete uwakutwafwa, panshita yalinga, Yesu alitufwilile fwe mbifi.

Yohane 10:15

Ukubati nimfilya Bata banjishiba, nandibo nalibeshiba Bata. Pamulandu ngu nalipela ubumi bwanji pamulandu wambelele.

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Maliko 10:45

Pakuti nangu Mwana wa Muntu umwine tayishilepo ukuti bakamupyungile iyowo, kuntu wena ayisa mukupyunga nokupela ubumi bwakwe ukuti abantu abenji bakalubulwe.”

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.

Hebele 9:12

Ulo Klistu ayinjilemo munsawa nji nokufika Muchifulo Ichabutisha, tasendelepo umulopa wambushi nangula wang’ombe iyalalume ukuti fibe ichipupo, kuntu Ye apintile umulopa wakwe umwine. Elo alitupekanishishe ichipulusho chitapwa.

2 Timoti 1:8

Wibapo nensoni ukubela bukamboni Bashikulu wesu. Nakambi wibapo nensoni pamulandu waku nebo ne uuli muchifungo pamulandu wakwe. Nomba uyipekanye ukuchula pamulandu Wabutumi Bwawama ukulingana nefiso ifikupela Lesa.

2 Tesalonika 1:10

Chakuba mfi ulo akwisa pali nkalya kasuba ukuti abo asala bamuchinshike, ina, bonse abachetekela bamuchinshike. Namwe mwakuba pamo pantu mwachetekela amashiwi ngalya twamusambishe.

Loma 16:26

Nomba ichine nchi chalifisululwa ukupitila kufyo abasoseshi balembele. Elo ukupitila nefyo akonkobeshe Lesa uwamuyayaya nokufyumfwila.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 3:5

Ubumfisolo mbu tabwayishibilwepo nabakale kubati ifyo Lesa afisulula nomba mu Mupashi Wabuta kubatumwa nabasoseshi bakwe ababuta.

Maliko 1:15

Asosele ati, “Inshita yafika, nobufumu bwaku Lesa bwapalamina. Pilibukeni imitima nokuchetekela mu Butumi Bwawama!”

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.