1 Timoti 1:9 - Chipangano Chabwangu

⁹ Tulingile ukwibukisha ukuti amafunde taapangilwa pabantu abaololoka, kuntu bampula-mafunde, notupondo, abatachetekelapo Lesa, imbifi, abatalombapo, abepaya bawishibo nabanyinabo, elo nabantu bambi.

1 Timoti 1:9 Referans Kwoze

Galatiya 3:19

Mulandu ndo Amafunde apelelwe? Lesa apele Amafunde ukwebati abantu beshibe bubi bwabo, ukufikila ulo yakwisa imbuto njilya yakwa Abulahamu iyo Lesa alayile. Lesa apele Amafunde mubangelo nowakuwikishanya.

1 Petulo 4:18

Amalembo asosa ati, “Nga chakuti abalungama bakupuluka mukuchuchutika, mba kumbifi ishitomfwilapo ifyaku Lesa chakuba shani?”

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

Galatiya 5:23

ubufuke nokuyilama. Tapapo ifunde ilyakukanya pali mfi fyonse.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

Loma 6:14

Ukufuma nomba ububi tabukwetepo ifiso pali mwebo pantu ichikotanjilila ubumi bwenu tepo amafunde iyowo, kuntu bwanshi ubukulu bwaku Lesa.

Loma 1:30

ukusapulula abanabo nokupata Lesa. Abansele, abamiya nakambi abakwitutumuna. Balanguluka bwaka inshila shakuchitilamo ifibi. Elo tabomfwilapo abafyashi babo.

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Taitasi 1:16

Balasosa ati balimwishiba Lesa, kuntu ifyo bachita filabakanina. Bantu balupato abatalama amafunde, abatangachitapo imilimo iiweme.

1 Petulo 3:20

Mipashi njilya yabantu abataumfwile ulo Lesa alindilile nomutima wakushipikisha panshita Nowa alikupanga ingalaba. Mungalaba njilya abantu abanono bwaka, basano nabatatu, ebapulukile kumenshi.

Hebele 11:31

Nechichetekelo Lahabu, umwanakashi uwabuchende, tayipayilwepo pamo nabantu abatalikumfwila Lesa, pakuti alipokelele bwino inengu munanda yakwe.

2 Tesalonika 2:8

Elo nomba nji mbifi yakufisululwa. Nomba Bashikulu Yesu bakumwipaya nomupu uufuma mukanwa kabo. Bakumonaula nokuboneka kwabo ukwabuta ulo bakwisa.

Loma 4:13

Ulo Lesa alayile Abulahamu nabana bakwe ukuti chalo chonse chakuba chabo, chalichitikilwe. Nomba tepamulandu wakweba ati Abulahamu asungile Amafunde. Nipamulandu wakuti achetekele Lesa, elo amulungamikile.

Mateyo 10:21

“Munshita njo wabo akwipayisha wabo, wishi naye akwipayisha umwana. Elo abana nabo bakwimina abafyashi babo nokubepayisha.

1 Petulo 2:7

Kanshi kuli mwebo mwe bachetekela ndi bwe lyaba ilyachindama. Nomba kubatachetekelapo lili kubati fintu Amalembo asosa ati, “Ibwe ilyo abakwimaka basulile, elyayishile kuba ilyapachimfuntu.”

Hebele 12:16

Chenjeleni ukuti kwibapo nangu umo uwakuba uwabulale-lale, nangula abakusuula ifyaku Lesa kubati ni Esau, uyo washitishe ububele bwakwe nechakulya chimo bwaka.

Galatiya 5:21

abalunkumbwa, ukukolwa, buchakolwa nafimbi ifyaba nge mfi. Nkomuchenjeshako nomba ukubati nimfilya nachitile akale, bonse bo abachita mfi fintu tabakapokepo Ubufumu bwaku Lesa.

Galatiya 5:18

Nomba nga Mupashi Wabuta ukomutungulula, ekwebati tamukotungululwapo na Mafunde.

1 Timoti 4:7

Nomba ufumeko kutufuto utwabwaka kubati nintulya utwabakote. Nomba usambilile ukuba nobumi ubwakupela Lesa umuchinshi.

1 Timoti 6:20

Timoti, usunge fyonse ifyo wapelwa. Ushe amashiwi akulakaika bwaka, ayo atapelapo umuchinshi kuli Lesa, namashiwi akutalikana awo abantu abapuneme beba ati yamano.

2 Timoti 2:16

Nomba kumashiwi yabwaka aatafwilishapo utalukeko pakuti abantu abomfwa mfi bakutwalilila ukusalula Lesa.

2 Timoti 3:2

Pakuti abantu bakuba abakwitemwa, abatemwa indalama, abakwitutumuna, abamusalula, abansele, abashumfwila abafyashi babo, abashitotela, nakambi abashilomba Lesa.

Taitasi 1:6

Umukulu wachilonganino talingilepo ukukwata akalema, icho ekale nomukashi wakwe umo bwaka. Abana bakwe balingile ukuchetekela Klistu, tabalingilepo ukuba nemibele iibipile nangula bachintomfwa.

Taitasi 1:10

Nomba ekobali abenji, maka-maka pakati kabantu abapwilibwike ukufuma ku Chiyuda. Mba balikosele imitima, nakambi basosa ifyabuchenjeshi ifishikwetepo namano.

Yuda 1:15

Akwisa kupingula nokubachinka panshi bonse abatomfwila Lesa pamulandu wabubi bonse ubo bachitile. Akwisa kubachinka panshi napamashiwi onse amisula awo imbifi shalikusalula Lesa.”