1 Timoti 1:5 - Chipangano Chabwangu

⁵ Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

1 Timoti 1:5 Referans Kwoze

1 Timoti 1:19

Wikatishe ichichetekelo chobe, ube nomutima wambula akalema. Abantu bambi tabomfwila kampingu wabo, elo baonaula ichichetekelo chabo.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

2 Timoti 2:22

Elo webo utalukeko kumibele iibi iyabulumbwana. Uchite bwaka ifyalungama, ichichetekelo, ichitemweko nomutende pamo nabantu bonse abachinshika Bashikulu nomutima wabuta.

2 Timoti 1:5

Inshita shonse ndalanguluka nechichetekelo chobe ichinenene. Ichichetekelo nchilya ichali muli bambuya bobe ba Loisi namuli banoko ba Yunisi. Elo nkochetekela ukuti nawebo uli nacho.

2 Timoti 1:3

Nkototela Lesa uyo mombela nomutima wabuta kubati nimfilya fyachitile ifikolwe fyanji. Ndatotela ulo nkokulanguluka mumapepo anji akasuba nobushiku.

1 Petulo 3:21

Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.

1 Petulo 3:16

Ikaleni nomutima uwabula akantu ukwebati abo abakomusuula pamulandu wamibele yenu iiweme muli Klistu mubanshe nsoni.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

2 Petulo 1:7

Kukulomba mulundeko inkumbu ishabwanankashi. Elo pankumbu nshi, lundenipo ichitemweko.

Loma 10:4

Pakuti Klistu ekupelako kwamafunde ukwebati onse uwachetekela Lesa apokelelwe nga uwalungama.

Taitasi 1:15

Kubantu abaololoka imitima, ifintu fyonse fiweme. Nomba kuli bo ababi nokutachetekela, tapapo akantu nangu akanini akaololoka pantu imitima namano yabo fibipile.

1 Timoti 3:9

Nomba balingile ukuba abaololoka ukwambula ukutwishika mukuchetekela ifyo Lesa afisulwile.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

Yemusi 4:8

Palamineni kuli Lesa, elo naye akupalamina kuli mwebo. Lekeni ububi mwe mbifi. Wamyeni imitima yenu, mwe bamitima iibi.

Imilimo ya batumwa 23:1

Paulo aloleseshe bashichilye nokusosa ati, “Mwe bawesu, Abaisilaeli bananji. Nshikotwishikapo mumutima wanji pabumi nali nabo kuli Lesa ukufikila nanomba.”

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.

Hebele 10:22

Echo katupalamine kuli Lesa nemitima iyachine nechichetekelo ichinenene. Imitima Yesu iwamishiwe ukwambula akalema nemibili Yesu isambwe namenshi ayabuta.

1 Kolinto 13:1

Nangu ningasosa shani mundimi shabantu nangu shabangelo, nomba nga nshikwetepo ukutemwa, ukusosa kwanji kuli bwaka kubati ninyenjele nangu ichingolo ichikolila.

Loma 14:15

Nga icho uulya tachisekeshapo wenu, ekwebati taukotungululwapo nechitemweko. Wileka ichakulya icho ulya chonaule wenu uyo Klistu afwilile!

Loma 9:1

Nkososa ifyakwebesha muli Klistu, tanshikobepapo iyowo. Nomutima wanji ukotangililwa no Mupashi Wabuta ukonsuminisha nebo ati nshisosapo bufi

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

Imilimo ya batumwa 15:9

Lesa talangilepo akapatulula pakati kesu nabenafyalo. Alungamikile imitima yabo pantu balichetekele.

Mateyo 12:35

Umuntu umuweme alabila ifiweme ififuma mumutima wakwe. Umubi naye alabila pafibipile ifyayiula mumutima wakwe

Mateyo 5:8

“Balishuka bo abelele imitima, pakuti bakubona Lesa.

1 Yohane 3:23

Ifunde ilyo Lesa atupa lyakuti tuchetekele Umwana wakwe Yesu Klistu. Elo nokuti tulokutemwana ukubati nimulya atusambishe Klistu.

Hebele 13:18

Mulokutulombelako nafwe. Pakuba tuli namalangulushi ayaweme ayakufwaya ukuchita ifyalungama.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Loma 12:9

Ukutemwa kwenu kube ukwafikapo. Mupate ichibipile, mutemwe ichiweme.

1 Timoti 1:18

We mwana wanji Timoti nkokukonkobesha ukusunga amashiwi nga ukulingana namashiwi abasoseshi awo basosele akale ifyaku webo. Amashiwi nga abe akukwafwako mukulwa inkondo iiweme.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.