1 Timoti 1:12 - Chipangano Chabwangu

¹² Nkototela Klistu Yesu Bashikulu wesu abo abampela ifiso, pakuti banangulukile ukuba wachine nokunsota ukuti ndokumupyungila.

1 Timoti 1:12 Referans Kwoze

Filipi 4:13

Ningachita ichili chonse pakuti Klistu eumpela ifiso.

2 Timoti 4:17

Nomba Bashikulu balikele pamo nandibo, nokumpela ifiso ukuti mbilishe amashiwi yabo ukufikapo ukwebati abenafyalo bomfwe. Ekwebati nalipuluka mukanwa kankalamo.

Kolose 1:25

Elo nandibo ndimupyungi wachilonganino nchi pantu Lesa alimpele umulimo wakupyunga mukati kenu. Umulimo ngu uwakuti mbilishe amashiwi akwe onse.

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

2 Kolinto 4:1

Lesa, mubwanshi bwakwe, alitupela umulimo ngu. Echo tatunenuka imitima.

1 Kolinto 7:25

Pamulandu waku bo abataupwa, tanshikwetepo ifunde ukufuma kuli Bashikulu, kuntu nkomweba amalangulushi anji ngoyo Bashikulu bakwatile ichisa ichakuti mbe uwachetekelwa.

Imilimo ya batumwa 9:22

Nomba ukushimika kwakwa Saulo nomba kwakwete nefiso ifikulu. Echo Abayuda bonse abalikwikala mu Damasikasi bashimbwilwe ukwinekantu ulo abapele bukamboni ubwakuti, “Yesu e Mupulushi uwalayilwe.”

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

Imilimo ya batumwa 16:15

Elo Lidiya nolupwa lwakwe balibatishiwe. Panuma asosele kuli fwebo ati, “Kati mwashininkisha ukuti nandibo nkochetekela muli Bashikulu, tulokuya mwikale kumwesu.” Elo twayile nakwe kumwakwe.

1 Timoti 1:11

Ichisambililo nchi chikosangwa mu Butumi Bwawama ubo Lesa uwamuchinshi nakambi uwashuka ampele.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

Yohane 5:23

pakuti abantu bonse bachinshike Umwana kubati nimfilya bachinshika Bawishi. Umuntu onse uutachinshikapo Mwana takochinshikapo na Bawishi abamutumine.

1 Kolinto 3:5

Mba Apolosi ninani? Mba Paulo naye ninani? Bapyungi bwaka abaku Lesa abaletele Ubutumi Bwawama kuli mwebo ubo mwachetekele. Umo-umo muli fwebo apyungile bwaka umulimo uyo Bashikulu bamupela.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

1 Timoti 1:1

Nine Paulo umutumwa waku Klistu, nga mfilya asosele Lesa, Umupulushi wesu namuli Klistu uutupela ukulolela kwesu.

1 Timoti 1:2

Nkokulembela webo Timoti mwana wanji uwakwebesha muchichetekelo. Lesa Bata na Klistu Yesu Bashikulu wesu bakupele ubwanshi, inkumbu, elo nomutende.

1 Timoti 6:13

Nomba nkokukonkobesha pamenso aku Lesa uupela ubumi kufintu fyonse, nelyaku Klistu Yesu uwapele bukamboni ubwakwebesha pachinso chakwa Pontiyo Pilato.

2 Timoti 2:2

Amashiwi onse waumfwile kuli nebo pamenso yabakamboni abenji, uyasose kubantu abachetekela abo bakwisa kusambisha bambi.

Taitasi 1:4

Kalata nji nkolembela webo Taitasi mwana wanji pamulandu wachichetekelo icho fwebo babili tuli nacho. Lesa Bata pamo na Klistu Yesu Umupulushi wesu bakupele ubwanshi nomutende.

Filimoni 1:9

Nomba pamulandu wakukutemwa echalenga ukwebati nkupapatile bwaka, nebo ne Paulo umukote, nakambi ne uli muchifungo pamulandu waku Klistu Yesu.

Mateyo 20:4

Elo abebele ati, ‘Namwebo kamuya mwibala lyanji, nakwisa kumufolesha isho mulingile ukufola. Nabo balile.’