1 Petulo 5:9 - Chipangano Chabwangu

⁹ Mulwishanye nakwe nokwimakana ndi muchichetekelo, pakuba mwibukishe ukuti abena Klistu banenu panonshi bakoumfwa ukufinya kwenka nku.

1 Petulo 5:9 Referans Kwoze

Yemusi 4:7

Nomba mube abachumfwila kuli Lesa. Mukaneni Satana, elo akumubutuka.

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

1 Petulo 2:21

Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

1 Kolinto 10:13

Ukwesheka uko mwebo mwabona, takupusenepo nokweshekwa uko abantu bonse babona. Lesa wachine. Echo tekuti amulekeleshepo ukweshekwa ukuchila pafiso fyenu. Nga mwayeshekwa, umwine akumupela inshila yakupulukilamo, pakumupela ifiso ifyakwebati mushipikishe.

2 Timoti 3:12

Nachine bonse abakofwaya ukuba nobumi ubwakumfwila Lesa muli Klistu Yesu, bakuchushiwa.

Efeso 6:16

Inshita shonse mube nechichetekelo ukubati ninkwela shenu, icho mwakushimishako imifwi ikoyaka umulilo iyamubi ngulya.

1 Petulo 3:14

Nomba nangu mukoumfwa ukufinya pamulandu wakuchita ifiweme, mwakushukishiwa. Mwilokutinapo abantu nangu ukuchula mumutima.

Hebele 11:33

Nechichetekelo chabo, abantu mba balichimfishe ifyalo fyonse, nokuchita ubulungami. Elo balipokelele ifyo Lesa abalayile. Bayisele imilomo yankalamo.

1 Timoti 6:12

Ulokulwa bwino inkondo iyakusunga ichichetekelo ukufikila ukapokelele ubumi butapwa. Pantu efyo Lesa akwitile ulo wasuminine palwalala ifyachichetekelo chobe nabantu bonse balikumfwa.

1 Tesalonika 3:3

Elo nokuti kwibapo nangu umo ungabwelela kunuma pamulandu wamachushi nga. Mwebene mulishibile ukuti amachushi aya mfi akochitika mukufwaya kwaku Lesa mwine.

Efeso 4:27

Mwipelapo insambu Satana.

Ukufisulula 6:11

Penkapo umo-umo waku bo alipelwe umwingila uwabuta. Elo alibebele ukuti balokutushako panini ukufikila ulo abapyungi banabo nabawabo bepayikwe kubati nibo.

1 Petulo 4:13

Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

1 Petulo 1:6

Mfi fimusangalashe nangu mumfwe ukufinya nomba ulo mukoyeshekwa munshila shapusana-pusana pakanshita kanini.

Kolose 2:5

Nangu tanshili pamo namwebo mumubili, kuntu ndipamo namwebo mumupashi. Elo nkosekelela pakubona ukutekanya kwenu, nokukosa kwachichetekelo chenu muli Klistu.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Ukufisulula 7:14

Nebo nayaswike ati, “Bashikulu mwe mwishibe nimwebo.” Elo anjebele ati, “Mba ebali mumachushi aakulu ngalya. Balichapa iminjila yabo nokuyitubisha mumulopa wa Mwana wambelele.

Luka 22:32

Nomba we Simoni nakulombela ukwebati ukuchetekela kobe kwibwelelapo kunuma. Ulo wakubwelela kuli nebo, ulingile ukukosha bawenu.”

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.

2 Timoti 4:7

Nindwa inkondo iiweme, nashila ubulwendo bwanji, ndilamine ichichetekelo chanji.

Hebele 12:8

Nga chakuti Lesa takomusambishapo mwe nga abana bakwe, ekwebati tamulipo abana benenene, kuntu muli bakupula.