1 Petulo 5:2 - Chipangano Chabwangu

² Beni bachembela bambelele shaku Lesa isho amupela. Tekumupatikishapo iyowo, kuntu mukutemwa kwenu, ngomo Lesa afwayila. Mwilokupyunga ngu mulimo pamulandu wakunonkelamo ububoni, kuntu nomutima uufwayilisha ukupyunga.

1 Petulo 5:2 Referans Kwoze

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

1 Timoti 3:8

Abakwafwa muchilonganino nabo babe abamuchinshi, bekwatapo indimi shibili, bechishapo ukunwa ifyakukola nangula ukufwaya ukukwata ububoni mubuchenjeshi.

Taitasi 3:1

Ulokubebukisha abantu bobe ukuti balokunakila ishamfumu nentungulushi. Balokubomfwila nokubomba bwino imilimo yonse.

1 Timoti 3:3

Talingilepo ukuba chakolwa nangula uwalubuli, kuntu uwafuuka umutima, uwamutende, uutatemwapo indalama.

1 Kolinto 9:7

Napo eko aba umushilikali uuyilipila enka mumulimo wakwe? Mba ninani uungabyala ifitwalo ukwambula ukufilyako? Napo kuli chembela wamukuni uutanwako umukaka kumukuni wakwe?

2 Petulo 2:3

Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

Taitasi 1:11

Ulingile ukubakanya mba ukusambilisha pakuti bekonaula ulupwa lonse ulo batandalile kukusambilisha ifintu ifyo tabalingilepo ukuti basambilishe. Bakochita mfi ukuti basangilepo ububoni.

Luka 12:32

“We kabumba kanini kambelele, witina pantu ba Nshinwe balasekelela pakumupela ubu bufumu.

Filimoni 1:14

Nshikofwayapo ukukupatikisha ukwebati ungafwe, kuntu nkomfwaya ukuti wemwine uyipingule ukuchita mfi.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Loma 1:15

Echo nkofwayisha ukwinekantu ukubilisha Ubutumi Bwawama nakuli mwebo mwe bena Loma.

Imilimo ya batumwa 21:13

Nomba Paulo ayasukile ati, “Chindo mukochita mwebo pakuyilishanya mfi nokutomposha umutima wanji? Nebo ndiyipekenye kale, tekukakwapo kwenka mu Yelusalemu iyowo, kuntu nokufwa pamulandu waku Bashikulu Yesu.”

Imilimo ya batumwa 20:29

Ukuba ndishibile ukwebati nga naya, imimbulu iikali yakumwinjilila nokutapa umukuni waku Klistu.