1 Petulo 5:1 - Chipangano Chabwangu

¹ Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

1 Petulo 5:1 Referans Kwoze

Luka 24:48

Elo nimwe bakamboni baku mfi fintu.

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.

2 Yohane 1:1

Nine nemukote, nkolembela umwanakashi uwasalwa na Lesa pamo nabana bakwe abo natemwesha. Tenepo nenka iyowo, kuntu nabonse abayishiba ichine balimutemwa.

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

Imilimo ya batumwa 14:23

Basalile abalalume ukuti balokutungulula umo-umo mufilonganino. Ulo balombele nokuyikanya ukulya, babapele kuli Bashikulu Yesu abo bonse abachetekele.

Imilimo ya batumwa 11:30

Ulo bachitile mfi, bapele Saulo na Banabasi indalama ukuti batwalile abakulu bachilonganino ichaku Yelusalemu.

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.

Filimoni 1:9

Nomba pamulandu wakukutemwa echalenga ukwebati nkupapatile bwaka, nebo ne Paulo umukote, nakambi ne uli muchifungo pamulandu waku Klistu Yesu.

Taitasi 1:5

Nalikushile ku Kileti ukuti ulungike fyonse ifyali ifitalungemepo, ukusala abakulu bafilonganino mumishi yonse kubati nimulya nakulangile.

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

1 Timoti 5:19

Wikutikako kumashiwi akwebaula umukulu wachilonganino, kano kuli bakamboni babili nangu batatu.

1 Timoti 5:1

Wilokukalipilapo umuntu umukulu, kuntu ulabile nakwe kubati nibawiso. Abalumbwana nabo ulokubachita kubati nibawenu.

Filipi 1:19

Elo nshakalekepo ukutemwa pakuti ndishibile ati mukulomba kwenu nokwafwilisha kwa Mupashi uwapelwa na Yesu Klistu nakukakulwa.

2 Kolinto 5:1

Imibili iyo tuli nayo ili kubati lusasa bwaka. Nomba tulishibile ukwebati ulo ulusasa ndu lwakonayika, twakuba munanda iyo Lesa alitupekanishisha kumulu. Inanda nji tayayimakilwepo neminwe yabantu, elo yamuyayaya.

Imilimo ya batumwa 21:18

Akasuba kakonkelepo, twayile na Paulo pamo mukubona Yemusi. Twasangile ukuti nabakulu bachilonganino bonse eko bali.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 20:17

Ulo ali ku Miletasi, Paulo alilayishe amashiwi ku Efeso ukuti abakulu bachilonganino bamukumanye ku Miletasi.

Imilimo ya batumwa 15:6

Elo abatumwa nabachilolo balongene pamo ukuti basoshanye pamulandu ngu.

Imilimo ya batumwa 15:4

Ulo bafikile ku Yelusalemu abachilonganino, abatumwa nabakulu bonse balisekelele. Nabo balikubashimikila ifintu fyonse ifyo Lesa achitile ukupitila muli bo.

Imilimo ya batumwa 2:32

Lesa abushishe Yesu ngu kubafwa, nafwebo bonse tuli bakamboni pali nchi.

Imilimo ya batumwa 1:22

Ukutatikila kunshita Yohane alikushimika ifyalubatisho ukufikila mukasuba ako Yesu apintilwemo kumulu ukufuma pali fwebo. Ngu abe kamboni pamo nafwebo ukuti Yesu alibukile kubafwa.”

Imilimo ya batumwa 1:8

Nomba ulo Mupashi Wabuta wakwisa palimwe, nachine mwakukwata ifiso ifyakuba bakamboni banji mu Yelusalemu, mu Yudeya monse, pamo namu Samaliya, kufikila nakumpelo yachalo chonse.”

2 Kolinto 5:8

Ina, tukoshipikisha, nomba icho tufwayisha chakuti tufume mumubili nguno nokuba nowaku Bashikulu.

Imilimo ya batumwa 3:15

Echo mwayipeye umwine wabumi, kuntu Lesa amubushishe kubafwa. Elo fwebo tuli bakamboni pali ngu mulandu.

Hebele 12:1

Nomba pakuti kuli bakamboni abenji abatushingulukile, katupose konse akalema nobubi bo ubukotukakatila. Elo katutwalilile nefiso ulwendo twatatika akale.

1 Petulo 4:13

Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

3 Yohane 1:1

Nine nemukote, nkolembela Gayusi uyo natemwesha chine-chine.