1 Petulo 4:11 - Chipangano Chabwangu

¹¹ Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

1 Petulo 4:11 Referans Kwoze

1 Kolinto 10:31

Echo nga mukolya, ukunwa nangu ulo mukochita ichili chonse, mufichite mukuchinshika Lesa.

Efeso 6:10

Pakupelako nkoti, koseni muli Bashikulu, namufiso fyabo ifikulu.

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.

Imilimo ya batumwa 7:38

Enka Mosesi ngu ewali pamo nefikolwe fyesu ulo balongene muchiswebebe. Ewali nomungelo uyo asosele nakwe pa Lupili lwa Sinai. Engu enka uwapokelele amashiwi abumi nokuyapela kuli fwebo.

Efeso 4:29

Mukanwa kenu mwilafumapo amashiwi aali onse aabi, kuntu musose amashiwi aaweme afwilisha ukuti bonse abayomfwa bapindulemo akantu.

Loma 3:2

Nachine finji tungasangamo mukuba Abayuda. Pakutatika Lesa apele ubutumi bwakwe kuli bo.

Yemusi 1:19

Mwe bawesu abatemwekwa, ishibeni nchi: umuntu onse angufyanye ukumfwa, kuntu eyangufyanyapo ukusosa nangula ukukalipa.

Kolose 4:6

Ukusosa kwenu kube ukuweme inshita shonse ishakusekelesha abantu, nakambi mulingile ukwishiba ukwasuka muntu bwino.

1 Kolinto 12:4

Pali ifyabupe ifyapusana-pusana, nomba uufipela Mupashi Wabuta umo enka.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

Yuda 1:25

Lesa uwaba umo bwaka, uutulubwila muli Yesu Klistu Imfumu yesu, eye akwate ubuleme, umuchinshi, ifiso nensambu, ukufuma bwaka kukale nomuyayaya. Ameni.

Hebele 5:12

Nangula inshita iyakuti mwatatika ukusambisha bambi ikumene, kuntu chikofwayika ukuti umbi amusambishe ifyakutatika amashiwi aku Lesa. Mulingile ukupelwa umukaka muchifulo chakulya ifikosele.

1 Timoti 6:16

Ngu enka tafwapo iyowo, elo ayikala mulubuto ulo umuntu umbi atangapalaminako. Nakale takupo uwamubwene nowingamubonapo iyowo. Kuli Ye kube umuchinshi nefiso umuyayaya. Ameni.

1 Timoti 1:17

Ku Mfumu iyamuyayaya, itafwapo neyibonekapo, Lesa umo enka, kuli Ye kube ubuleme ubwanshiku shonse. Ameni.

1 Kolinto 3:10

Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

Mateyo 6:13

Mwitulekelesha mukwesheka, kuntu mutupokeko kumubi.’

1 Petulo 5:11

Kuli Ye kube umuchinshi umuyayaya. Ameni.

Yemusi 1:26

Nga chakuti kuli umuntu uukoyilanguluka ukuti alalomba Lesa, elo tasungapo akanwa kakwe, ukulomba kwakwe kwabwaka nakambi akoyibepapo.

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

Efeso 5:20

Mutotole Lesa Bata inshita shonse pamulandu wafintu fyonse mwishina lyaku Bashikulu Yesu Klistu.

1 Kolinto 6:20

Lesa alimushitile pamutengo uukulu. Echo muchinshike Lesa nemibili yenu.

Loma 11:36

Pakuti ifintu fyonse ni Lesa uwafilengele nakambi eufisunga fyonse. Echo fyonse epofili pamulandu wakwe. Tutondayishe Lesa inshiku shonse. Ameni!

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

2 Kolinto 9:13

Pakuti ichabupe bwenu nchi chikomuchitila bukamboni ubwakuti inkumbu shenu shachine, bo bakutondayisha Lesa pamulandu wakunakila Ubutumi Bwawama ubwaku Klistu ubo muyebelela. Bakuchita mfi nakambi pamulandu wakwakana nabantu bo elo nabambi ifintu ifyo mukwete.

Loma 16:27

Kuli Lesa uyo uwamulangwe enka, kube umuchinshi muli Yesu Klistu umuyayaya. Ameni.

Yohane 13:31

Panuma ulo Yuda ayile, Yesu asosele ati, “Nomba Mwana wa Muntu wachinshikwa, nomba Lesa naye achinshikilwa muli Ye.

Loma 12:3

Ukupitila mufiso ifyo Lesa ampela mubwanshi bwakwe, nkomukonkobesha ukuti mwilokuyitutumuna. Nachine mube nomutembo mumalangulushi enu ukulingana nobukulu bwachichetekelo chenu icho Lesa apela umo-umo pali mwe.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

Efeso 1:19

Elo mwishibe ifiso fyakwe ifikulu ifibomba muli fwebo fwe bachetekela. Mfi fiso nimfilya ifikulu ukwinekantu.

1 Tesalonika 2:4

Pali nchi, tusosa ifyo Lesa afwaya inshita yonse pantu alitupingula ukuba abenenene nokubika umulimo wa Butumi Bwawama muli fwebo. Tatusekeshapo bantu iyowo, kuntu Lesa uwesha amalangulushi esu.

Taitasi 2:1

Nomba webo, ulokusambisha ifyalinga nechisambisho ichachine.

Taitasi 2:15

Mfi efyo ulokusambisha. Ulokubachinchisha abantu nokubakonkobesha nefiso fyonse. Kwibapo umuntu nangu umo ukuti akuloleshe pamutwi.

Hebele 13:7

Mulokwibukisha intungulushi shenu ishalikusosa amashiwi aku Lesa. Ibukisheni ifyabaponene pamulandu wabwikashi bwabo nakambi twalilileni muchichetekelo chabo.

1 Petulo 2:12

Muchenjele nefyo mwikala nabantu abatachetekela, ichakuti nangu basose ati imilimo yenu mibi, kuntu babone ukuti iiweme. Elo bakuchinshika Lesa pakasuba ako akwishilamo.

1 Petulo 4:16

Nomba nga mukochula pakuti muli bena Klistu, mwiumfwapo nsoni, kuntu muchinshike Lesa pamulandu weshina lyenu.