1 Petulo 3:8 - Chipangano Chabwangu

⁸ Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.

1 Petulo 3:8 Referans Kwoze

Loma 12:10

Mutemwane ukwinekantu mubuwenu. Mupelane umuchinshi.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

Efeso 4:31

Mufumyeko pali mwebo ukulotoka nobukali, ukukalipa nokutosha nangula ukusosa amashiwi ayamusalula aali onse.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

1 Kolinto 12:26

Nga ichilewa chimo chaumfwa ukufinya, fyonse pamo filomfwa ukufinya. Nga chapelwa umuchinshi, fyonse pamo filasekelela.

Mateyo 18:33

Nomba webo taukwatilepo umunobe inkumbu kubati nimfilya nebo nakukwatile inkumbu?’

1 Yohane 3:14

Tulishibile ukwebati tulifuminemo nokuba nobumi. Tulishibile nchi pantu twalitemwa bawesu. Uyo ushitemwa wabo ali mumfwa.

1 Kolinto 1:10

Mwe bawesu nkomupapata, mwishina lyaku Bashikulu Yesu Klistu ukuti mulokumfwanina pamo bonse. Pelokubapo ukupatukana pakati kenu, kuntu mulokumfwana nomutima umo, elo necho mufwaya.

Imilimo ya batumwa 4:32

Ibumba lyabantu abachetekele muli Klistu lyalikuchita ifintu munshila imo nomutima umo. Tapalipo nowakweba ati, “Ububoni mbu bwanji nenka” iyowo. Nomba ifyo umuntu nomuntu akwete fyali fyabonse pamo.

1 Petulo 5:5

Namwebo mwe balumbwana mulokumfwila abakulu. Elo bonse mube abayipekanya ukupyungilana mukuyichefya. Amalembo asosa ati, “Lesa alatalika abayikusha, kuntu alapela ubwanshi kubayichefya.”

Hebele 13:1

Twalilileni ukutemwana nga abanankashi.

2 Petulo 1:7

Kukulomba mulundeko inkumbu ishabwanankashi. Elo pankumbu nshi, lundenipo ichitemweko.

1 Petulo 2:17

Chinshikeni abantu bonse. Temwaneni abachetekela banenu. Mube abantu batina Lesa. Chinshikeni nakateka mukulu.

Yemusi 5:11

Tubeta ati, “Abashuka,” pantu bashipikishe. Mwalyumfwa ukushipikisha kwakwa Yobe, nakambi mwalibona ifyo Bashikulu bamuchitile kumupwilo! Pakuti Bashikulu bachisa nenkumbu.

Yemusi 2:13

Pakuti umuntu uupingula ukwambula inkumbu, Lesa naye akumupingula ukwambula inkumbu. Nomba Ye uukwatila inkumbu, tapapo umulandu wakuti engatinapo ukupingula kwaku Lesa.

Filipi 3:16

Nangu chibe shani, twikatishe ifintu ifyo twanonka kale.

Loma 15:5

Nomba Lesa uwafwilisha abantu ukuti bateke imitima nokushipikisha, amukoshe mwebo mukwikatana nku mukukonka imibele yaku Klistu Yesu.

Imilimo ya batumwa 28:7

Apepi bwaka ukufuma apo twali, kwali amabala amuntu mukulu wamu chishi uwitwa Pubuliyasi. Naye alitupokelele nababoko abili. Echo twayikele nakwe inshiku shitatu.

Imilimo ya batumwa 27:3

Elo ubushiku bwakonkelepo, twafikile kumushi wa Sidoni. Yuliyasi ali muntu uwachisa kuli Paulo. Echo alimulekele ukuti enjile mumushi mukubona bawakwe, nokuti bamupeleko ifyo abulishe.

Imilimo ya batumwa 2:1

Ulo akasuba ka Pentekosite kafikile, abachetekela bonse balongene muchifulo chimo.

Luka 10:33

Nomba umwina Samaliya umo uwali palwendo mwenka muli njilya nshila, afikile pali ye. Ulo amubwene, umutima wakwe wayiwile nenkumbu.

Efeso 4:32

Munakililane nokubelana inkumbu kubati nimfilya Lesa amunakilile namwe muli Klistu.

Filipi 2:3

Mwilokuchitapo chintu nomutima uwakuyitemwa nangu uwakuyitutumuna iyowo. Beni abakuyichefya kuli umo nomunakwe. Elo uuli onse abone abanakwe nga abamuchilile.