1 Petulo 3:4 - Chipangano Chabwangu

⁴ Nomba ukuyiwamisha kwenu kube ukwamumutima mukati, ukuwamya ukutashilapo ukwamutima-nteka nowatalala. Ubumi bwamfi bwalichindama kumenso aku Lesa.

1 Petulo 3:4 Referans Kwoze

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

Loma 2:29

Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Taitasi 3:2

Mulokubeba ukuti belokusosapo ifibi kumuntu uuli onse, kuntu ukuba abamutende nechumfwilo. Inshita shonse balokupela umuchinshi kubantu bonse.

Mateyo 23:26

Mwe mpofu Shabafalisi! Baleni ukusamfya mukati kankombo nembale, elo kunse nako kwakuwama.

Loma 7:22

Nebo naliba nokusekelela mwifunde lyaku Lesa.

2 Kolinto 4:16

Echo tatutomposha umutima. Nangu imibili yesu ikoba yanaka, nomba mumitima yesu tukopokelela ifiso fyabwangu akasuba nakasuba.

1 Tesalonika 4:11

Esheni ukwikala mumutende. Uuli onse eshibe ifyakwe. Mubombeshe namaboko enu. Muchite mfi ukubati nimulya twamusambishe.

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

1 Petulo 3:15

Nomba mumitima yenu muchinshike Klistu pakuti ni Shikulu wenu. Mube abayipekanya inshita yonse ukwasuka mubufuke namumuchinshi abantu abamufumba ukulindilila kwenu.

1 Timoti 2:2

Lombeleniko imfumu nabonse abali mubutungulushi ukuti bende mumutende, mubuleme namukuchinshika.

Luka 11:40

Mwe fipuba mwe! Napo Lesa uwabumbile ichakunse teyepo enka uwabumbile nechamukati?

Yemusi 1:21

Kanshi lekeni inshila shonse ishabusali nobubi ubwayisula muli mwebo. Pokeleleni mukuyichefya Amashiwi aku Lesa ayabyalilwe mumitima yenu ayo angamupulusha.

2 Timoti 2:25

Uwafuka pakulungika abakomutalika. Nalimo Lesa kuti abapela inshita yakuti balapile nokwishiba chine.

2 Tesalonika 3:12

Mwishina lyaku Bashikulu Yesu Klistu twabakonkobesha mba bantu nokubachenjeshako ukuti babe nobumi ubwalungama nokubombesha pakuti bayisangile ifyakulya fyabo.

Mateyo 5:5

“Balishuka bo abayichefya, pakuti Lesa akubapela ichalo abalayile.

Loma 6:6

Twalishiba ati akabelo kesu akakale kashilile ulo Yesu asamikilwe pamutashi, ukuti ubwikalo bwesu ubwabubi bonayikwe, elo twiba nakambi abasha babubi.

Luka 16:15

Elo Yesu asosele kuli bo ati, “Mwebo mukoyilinga abaweme kubantu bambi, kuntu Lesa alishiba imitima yenu. Ifyo umuntu alinga ukuba ifyachine, pachinso chaku Lesa fyabwaka.

1 Petulo 1:23

Pakuba mwebo mwalifyalwa libili, tekumbutopo ishonayika, kuntu kuyitonayika iyaba Mashiwi aku Lesa aabumi aabelelele.

Kolose 3:3

Pakuba mwebo mwalifwa, nobumi bwenu bwalisungwa pamo na Klistu muli Lesa.

Galatiya 5:23

ubufuke nokuyilama. Tapapo ifunde ilyakukanya pali mfi fyonse.

2 Kolinto 10:1

Nebo ne Paulo, uwo baeba ati alifuuka ulo ali nafwebo, nomba alishika ulo ali ukutali, nkomupapata mwishina lyaku Klistu uwafuuka nakambi uwabwanshi,

Mateyo 21:5

“Ebani abamumushi wa Sioni ati, boneni, imfumu yenu ikoyisa kuli mwebo. Iyafuuka, ilininine pali punda, nachine pamwana wa punda.”

Loma 1:23

Muchifulo chakutotela Lesa uwabumi, batotela tungosa wakubasa utuboneka kubati bantu bwaka, nangula ifyuni nangula inama nangula ifiyikula.