1 Petulo 2:9 - Chipangano Chabwangu

⁹ Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

1 Petulo 2:9 Referans Kwoze

Ukufisulula 1:6

Ye atupangile ukuba bashamfumu ukuti tupyungile Lesa Wishi kubati bachipupila. Kube umuchinshi nefiso kuli Yesu Klistu inshita shonse. Ameni.

Ukufisulula 5:10

Mwalibaalula ukuba imfumu, nabachipupila abakubombela Lesa wesu. Echo bakutungulula panonshi.”

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Ukufisulula 20:6

Balishuka nakambi balibuta abo abakubuka pakubuka kwakwamba nku. Imfwa yachibili tayikwetepo ifiso pali bo, kuntu bakuba bachipupila baku Lesa nabaku Yesu Klistu. Elo bakutungulula nakwe imyaka ikana limo.

Mateyo 5:16

Efyo bwenesheni ukusanika kwenu pamenso abantu ukuti babone imilimo yenu iiweme, ukwebati bachinshike Bashinwe bamumulu.

Kolose 1:13

Pakuba ewatupokololako kufiso fyamfishi nokutuleta mubufumu bwa Mwana wakwe uwatemwekwa.

1 Kolinto 3:17

Nomba nga umuntu umo aonaula inanda yaku Lesa, naye Lesa akumonaula. Pakuti inanda yaku Lesa yaba iyapatulika, elo inanda njilya nimwe.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Filipi 3:14

Ndabutukila kuchipimo ichakuchimfyanya ichalubilo ndu ukwebati nkanonke ububoni ubo Lesa akotwitila kumulu muli Klistu Yesu.

Mateyo 4:16

Abantu abayikala mumfishi bakobona ukusanika ukukulu! Bo abayikala muchalo chamfinshi iyamfwa, ukusanika kwakubatulila.”

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

Luka 1:79

Akubasanikila bonse abayikala mumfinshi namuchintelelwe chamfwa, ukulangilila munshila yabwanalale.”

Loma 9:24

Nifwe abo Lesa ayitile, tekufumapo ku Bayuda benka iyowo, kuntu nakubenafyalo.

Imilimo ya batumwa 26:28

Elo imfumu Agilipa aebele Paulo ati, “Napo panshita iinini bwaka nji, epo wingalenga ukuti njaluke umwina Klistu?”

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

Efeso 1:6

Afwayile ukwebati tumutondayishe pabwanshi bwakwe ubukulu pakutupela bwaka umwana wakwe uwo atemwesha.

Efeso 1:14

Umupashi Wabuta echishininkisho chakwebati twakupoka ifyo Lesa atulayile. Nakambi nchi chikoshininkisha ati Lesa akupa ubwanalale kubantu bakwe. Nomba katuchinshike ubuleme bwakwe.

Yohane 17:19

Pamulandu wabo nkoyipela kuli mwebo ukuti nabo bakayipele bonse kuli mwebo mukwebesha.

Efeso 3:21

Ichilonganino chimupele ubuleme muli Klistu Yesu, munkulo shonse umuyayaya. Ameni.