1 Petulo 2:11 - Chipangano Chabwangu

¹¹ Mwe batemwekwa, pakuti muli abalwendo panonshi, nkomupapata talamukeniko kufyalunkumbwa ulwamubili ifyo ifilwa namwe.

1 Petulo 2:11 Referans Kwoze

Galatiya 5:24

Bonse ababa muli Klistu Yesu balisamika pamutashi imibele yabuntunse iibi pamo nolunkumbwa.

1 Petulo 4:2

Echo ulo muchili nobumi panonshi, tamwakonkepo ukufwaya kwabuntunse, kuntu ukufwaya kwaku Lesa.

Hebele 11:13

Bonse abantu mba balilamine ichichetekelo chabo ukushinta napamfwa yabo. Tabapokelelepo ifyo Lesa abalayile, kuntu balifibwenene apatali nokutemwa. Balishibile ukuti balwendo panonshi tebakwikalililapo.

Loma 8:13

Nga mwayikala mukusekesha ifyabuntunse bwenu, mwakwisa kufwa. Nomba mukutungululwa no Mupashi Wabuta mwasha ukufwaya ifyabuntunse, mwakuba nobumi.

Yemusi 4:1

Kanshi inkondo nokutalikana pakati kenu fifuma kwisa? Napo tafifumapo kulunkumbwa ulwabuntunse bwenu ulukochita inkondo muli mwe?

2 Timoti 2:22

Elo webo utalukeko kumibele iibi iyabulumbwana. Uchite bwaka ifyalungama, ichichetekelo, ichitemweko nomutende pamo nabantu bonse abachinshika Bashikulu nomutima wabuta.

2 Kolinto 7:1

Nomba, mwe batemwekwa, pakuti tuli nobulayo mbu, katufumyepo ifintu fyonse ifikowesha imibili yesu nangu imitima yesu. Elo mukuchinshika Lesa, twikale ubumi ubwaololoka nakambi ubwabuta.

Loma 12:1

Nomba, mwe bawesu, pakuti Lesa atukwatila ichisa ichikulu mfi, nkomupapata ukuti mupele imibili yenu nga ichipupilo ichabumi, ichabuta nakambi ichisekesha Lesa. Nji enshila inenene yakulombelamo Lesa.

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Loma 7:23

Nomba ndabona ifunde lipyunga mumubili wanji ililwisha ifunde lyaku Lesa ilyo nasuminamo. Ifunde limbi ndi likonka inshila yabubi. Engu uulenga ukuti mbe umusha wabubi.

Imilimo ya batumwa 15:29

Mulokulyako inama iyo abantu bakopupila kutungosa wakubasa, mulokulyako mulopa, mulokulyako inama iyo bapotwele pamukoshi, nakambi mulokuchitapo ubuchende. Amukolama nga mafunde mukochita bwino. Shalenipo umutende.”

Luka 21:34

“Ikaleni abayibukila! Muyiposa mukulya namukukolwa namumasakamiko yaku mbuno bumi, ichakuti nkalya kasuba keyisa kumupumikisha bwaka nokwikatwa

1 Petulo 1:17

Lesa takwatapo akapatulula. Alapingula chila muntu ukulingana nefyo achitile. Kati mukomwita ati Bata, mupeleni umuchinshi inshita shonse muli abeni panonshi.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

2 Kolinto 5:20

Nomba nifwebo intumi ishakubelako Klistu. Lesa akomupapata ukupitila muli fwebo. Echo tukomupapata mwishina lyaku Klistu ukuti muwikishanye na Lesa.

Imilimo ya batumwa 15:20

Tulingile ukubalembela bwaka kalata uwakwebati belokulyako ifitasangululwa ifyo abantu bakopupila tungosa wakubasa nokuti belokuchita ubuchende, belokulyako nenama iyo bapotwele pamukoshi nangula umulopa.

1 Petulo 1:1

Nine Simoni Petulo umutumwa waku Yesu Klistu. Nkolembela abasalwa baku Lesa, abasalangana mubweni mufyalo fya Pontusi, Galatiya, Kapadosiya, Asiya namu Bitiniya.

Efeso 2:19

Echo mwe benafyalo tamulipo abalwendo abakolebela bwaka, kuntu muli bakaya pamo nabantu baku Lesa. Elo muli balupwa lwaku Lesa.

Hebele 6:9

Nomba mwebo mwe batemwekwa banji, nangu tukososa mfi, tatukomutwishikapo. Twalishiba ukuti muli nalyo ishuko ilimutwala kuchipulusho chenu.

1 Petulo 4:12

Mwe batemwekwa, mwilokushimbwapo pakuponenwa namachushi awo mukochulako. Mwilanguluka kubati mwaponenwa icheni.

2 Petulo 3:1

Mwe batemwekwa, kalata nji nkomulembela yachibili. Mumakalata onse abili nga nkofwaya ukumwibukisha ukuti mulokulanguluka ifyachine mfi fyonse.