1 Petulo 1:8 - Chipangano Chabwangu

⁸ Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.

1 Petulo 1:8 Referans Kwoze

Yohane 20:29

Yesu asosele ati, “Pakuba wambona epo wachetekela. Balishuka abakochetekela nangu tabambwenepo.”

2 Kolinto 5:7

Pakuba ichikulu kuchetekela tepafyakubona namenso.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Hebele 11:1

Ukuchetekela ekuti ukutatwishikapo pafintu ifyo tukolindila, nokushininkisha ukuti ifintu fyonse ifyo tatubonapo epofili epela.

Yohane 16:22

Emfilya chili kuli mwe. Nomba muli nechikonko, kuntu nakwisa kumubona nakambi. Elo imitima yenu yakwisa kwiula nokusekelela. Echo ukusekelela kwenu tapapo nangu umo uukoyisa kukufumyako kuli mwe.

2 Kolinto 4:18

Imitima yesu tayilipo pafintu ifiboneka, sembi pafitaboneka. Pakuba ifiboneka tafikalililapo, nomba ifitaboneka efyamuyayaya.

1 Petulo 1:6

Mfi fimusangalashe nangu mumfwe ukufinya nomba ulo mukoyeshekwa munshila shapusana-pusana pakanshita kanini.

Hebele 11:27

Muchichetekelo Mosesi alifumine mu Ijipiti, ukutatinapo ubukali bwakwa kateka. Tabwelulukilemo pakuti ali kubati muntu ukobona Lesa utaboneka.

1 Petulo 2:7

Kanshi kuli mwebo mwe bachetekela ndi bwe lyaba ilyachindama. Nomba kubatachetekelapo lili kubati fintu Amalembo asosa ati, “Ibwe ilyo abakwimaka basulile, elyayishile kuba ilyapachimfuntu.”

Filipi 4:4

Mulokusekelela muli Bashikulu inshita shonse. Nakambi nkobwekeshapo, sekeleleni!

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.

Efeso 6:24

Lesa abakwatile ubwanshi bonse abatemwa Bashikulu wesu Yesu Klistu nokutemwa ukutashilapo.

Filipi 1:25

Ukwambula ukukayika, ndishibile ati ndinokwikalapo. Nakupitilila ukwikala namwebo bonse, ukumwafwa pakuti ichichetekelo chenu chikulileko, elo chimupeleko ukusangalala ukuchila akale.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Yohane 14:24

Muntu onse uutantemwa talamapo amashiwi anji. Nakambi amashiwi ayo mumfwa te anjipo, kuntu afuma kuli Bata abantuma.

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

2 Kolinto 12:4

Nkulya alibwene ifintu ifyo umuntu tangasosapo.

2 Kolinto 9:15

Tutondayishe Lesa pachabupe bwakwe ubo tatungasosapo.

2 Kolinto 1:22

akakatikapo ichishibilo chakwe, nokubika Mupashi Wabuta mumitima yesu ngechishininkisho chamfilya ifikoyisa.

Imilimo ya batumwa 16:34

Panuma malonda atwite Paulo na Sailasi kunanda yakwe nokubapela ifyakulya. Elo ena pamo nabamunanda yakwe basekelele ukwinekantu pantu nomba balichetekela muli Lesa.

Yohane 14:21

“Uyo onse uupokelela amafunde anji nokualama, ewantemwa. Bata bakumutemwa umuntu onse uwantemwa, nandibo nakumutemwa nakambi nokuyifisulula nemwine kuli ye.”

Yohane 14:15

“Nga mwalintemwa mwakulama amafunde anji.

Mateyo 10:37

“Umuntu uwatemwesha bawishi nangula banyina ukuchila nebo talingilepo ukuba umuntu wanji. Elo na uyo onse uwatemwesha umwana wakwe umwalalume nangula umwanakashi ukuchila nebo, talingilepo ukuba umuntu wanji.

1 Kolinto 16:22

Kati palipo umuntu uutatemwapo Bashikulu, alapishiwe. Maranatha! Bashikulu wesu, iseni!

Efeso 3:19

Nkolomba ukuti mwishibe ukutemwa nkulya ukwaku Klistu ukutangeshibikwa ukufikapo ukwebati mwiulemo nobumi ubwaku Lesa umwine ukufikapo.