1 Petulo 1:7 - Chipangano Chabwangu

⁷ Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

1 Petulo 1:7 Referans Kwoze

Yemusi 1:12

Alishuka umuntu uushipikisha panshita ulo eshekwa, pakuti ulo achimfya akupokelela ingala yabumi iyo Lesa alayile ukupela kuli bo abamutemwa.

1 Petulo 4:12

Mwe batemwekwa, mwilokushimbwapo pakuponenwa namachushi awo mukochulako. Mwilanguluka kubati mwaponenwa icheni.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

1 Kolinto 3:13

Pakuba umulimo wamuntu wakuboneka apatubile tuutu ulo akasuba kabupingushi kakuyilanga. Akasuba nkalya kakwisa nomulilo. Elo umulilo ngulya wakwisa kwesha imilimo yamuntu uuli onse.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.

2 Petulo 1:4

Muli mfi alitupela ifilayo ifikulu ukwinekantu ukuti mukapokelele ubumi bwaku Lesa panuma yakupulushiwa kukonauka kwapanonshi pamulandu wakufwaya ububi.

1 Petulo 2:4

Nomba iseni kuli Ye uuli libwe lyabumi ilyo abantu bakene, kuntu Lesa alisalile nokulichinshika.

Mateyo 25:21

Elo shikulu wakwe amwebele ati, ‘Wachita bwino wemupyungi uuweme nakambi uwachetekelwa. Pakuti waba wachine patunini, nomba nkokubika ukuba umukulu pafintu ifinji. Echo injila usekelele pamo nandibo ne shikulu obe.’

Ukufisulula 3:10

Pakuti walilama amashiwi anji nokushipikisha, nandibo nakukusunga panshita iyamafya ayo ayakwisa pabantu bonse pachalo ukuti beshekwe.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.

Ukufisulula 1:7

Boneni akoyisa pamakumbi! Echo bonse bakumubona pamo nabo abamulashile. Imikowa yonse yamuno chalo yakulila pamulandu wakwe. Nachine nifyenka mfi. Ameni.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

Imilimo ya batumwa 8:20

Nomba Petulo amwasukile ati, “Kafwile pamo nendalama shobe! Napo webo ukolanguluka kuti washita ichabupe chaku Lesa?

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Yohane 5:44

Mwebo mulapokelela ukutondayisha ukufuma kubanenu, kuntu tamupokelelapo ukutondayisha ukufuma kuli Lesa. Nga kuti mwanchetekela shani?

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Mateyo 25:23

Elo shikulu wakwe amwebele ati, ‘Wachita bwino wemupyungi uuweme nakambi uwachetekelwa. Pakuti waba wachine patunini, nomba nkokubika ukuba umukulu pafintu ifinji. Echo injila usekelele pamo nandibo ne shikulu obe.’

Mateyo 19:28

Yesu abebele ati, “Nachine nkomweba ati, mubufumu bwabwangu bukoyisa, ulo Mwana wa Muntu akwikala pamupando wakwe uwabuleme, namwe mwe bankonka mwakwikala pamipando iili ikumi na ibili. Mwakuya kupingula imitundu ikumi na ibili iya Baisilaeli.

Ukufisulula 3:18

Nkokuchenjeshako ukuti ushite kuli nebo golide yawamikwa mumulilo ukuti ube uwabuboni wine-wine. Elo ushite ifyakufwala ifitubile ukuti ufwale nokufisa umubili obe uleta insoni. Ushite nomuti wamenso ukuti ulokubona bwino.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

1 Petulo 2:7

Kanshi kuli mwebo mwe bachetekela ndi bwe lyaba ilyachindama. Nomba kubatachetekelapo lili kubati fintu Amalembo asosa ati, “Ibwe ilyo abakwimaka basulile, elyayishile kuba ilyapachimfuntu.”

1 Petulo 1:5

Mwebachetekela Lesa akomusunga nefiso fyakwe ukuti mukapokelele chipulusho icho Ye akufisulula panshita yakulekelesha.

Loma 2:29

Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

Luka 17:30

Efyo chakwisa kuba pakasuba ulo Umwana wa Muntu akwisa kuyifisululamo.

Loma 2:10

Nomba Lesa akupela ubukata, umuchinshi nomutende kuli bonse abachita ifiweme, ukwambila ku Bayuda elo nakubenafyalo.

Loma 8:19

Ifyo fyonse Lesa alengele fikolindila ukwinekantu ulo Ye akufisulula abana bakwe.

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

1 Petulo 4:13

Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

2 Petulo 3:14

Echo mwe batemwekwa, pakuti mukolindilila mfi fintu, mulokuchinchila ukwebati Bashikulu bakamusange abatakwetepo ifisemba, umulandu, elo abali mumutende na Bashikulu.