1 Petulo 1:6 - Chipangano Chabwangu

⁶ Mfi fimusangalashe nangu mumfwe ukufinya nomba ulo mukoyeshekwa munshila shapusana-pusana pakanshita kanini.

1 Petulo 1:6 Referans Kwoze

Yemusi 1:2

Mwe bawesu mulokusekelela ulo mukoyeshekwa kumachushi ayapusene-pusene.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

Loma 12:12

Mulokusekelela mukulolela kwenu. Shipikisheni munshita shamachushi. Elo mulokulomba lonse.

Loma 5:2

Bashikulu Yesu Klistu ebatwiswile inshila yakuti ukupitila muchichetekelo Lesa aatupele ubwanshi ubo tuli nabo nomba. Echo tulesansamuka pakwishiba ati twakuba nobuleme bwaku Lesa.

Mateyo 5:12

Angeni nokusekelela pakuti ichilambu chenu kumulu chikulu. Pakuti mfi efyo bachushishe nabasoseshi abamutanjilile.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Yohane 16:22

Emfilya chili kuli mwe. Nomba muli nechikonko, kuntu nakwisa kumubona nakambi. Elo imitima yenu yakwisa kwiula nokusekelela. Echo ukusekelela kwenu tapapo nangu umo uukoyisa kukufumyako kuli mwe.

Mateyo 11:28

“Iseni kuli nebo bonse mwe bakatele nokulemenwa, elo nande nakumupela ukutusha.

Loma 5:11

Te mfi fyenkapo iyowo, kuntu tukosansamuka muli Lesa pamulandu waku Bashikulu Yesu Klistu, abatulengele ifibusa na Lesa.

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Luka 10:20

Nomba mwisekelela nanchi ichakuti imipashi iibi ikomumfwila, kuntu sekeleleni pakuti amashina enu alilembwa kumulu.”

1 Petulo 4:7

Nomba kumupwilo wafintu fyonse kwapalama. Echo mube abachenjela nokwikanya pakuti mulokulomba bwino.

Yemusi 4:9

Umfweni ichikonko ichabulanda, mwikale nkumba-bulili nokulila. Ukuseka kwenu nako kwaluke ukulila, ukusangalala kwenu kwaluke ubulanda.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Yemusi 1:9

Wesu umuchushi ayilumbe ulo Lesa amusumbula.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.

1 Tesalonika 1:6

Mwalikutenteka imikalilo yesu neya Bashikulu Yesu. Mwapokelele Ubutumi Bwawama mukusangalala uko Mupashi Wabuta wamupele, nangu mwalikuchula.

Filipi 4:4

Mulokusekelela muli Bashikulu inshita shonse. Nakambi nkobwekeshapo, sekeleleni!

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Loma 9:2

ulo ndabila ati ndi nechikonko ukwinekantu. Ndomfwa ukufinya umutima pamulandu uwa Bayuda bananji.

Filipi 2:26

Akomufuluka ukwinekantu, nakambi akochula mumutima pakuti mwalyumfwile ukwebati aali kulwala.

Luka 2:10

Umungelo asosele kuli bo ati, “Mwitina! Pakuti namuletela mwebo ilyashi iliweme, ilyakusekelela ukukulu ukukoyisa kuba kubantu bonse.

Luka 1:47

ndatondayisha shikulu elo ndi wasekelela, muli Lesa Umupulushi wanji.

Mateyo 26:37

Yesu abulilepo Petulo nabamwana Sebedi babili. Elo atatikile ukulilishika nokusakamikwa.

1 Petulo 3:17

Chiweme ukumfwa ukufinya nga mukochita ichiweme, nga Lesa echo afwaya, ukuchila ukumfwa ukufinya pamulandu wakuchita ichibi.