1 Kolinto 7:9 - Chipangano Chabwangu

⁹ Nomba nga chikobakanga ukushipikisha, chiweme ukupa ukuchila ukunyeka kulunkumbwa.

1 Kolinto 7:9 Referans Kwoze

1 Timoti 5:14

Echo kanshi nkofwaya ukuti ifyokolo ifyayiche fyupwe nokufyala abana nokusunga amananda yabo pakuti ifipondo fyesu filokutusekulukapo.

1 Kolinto 7:2

Nomba pamulandu wakutina ubuchende, umwalalume onse abe nomukashi wakwe, nomwanakashi naye abe nomulume wakwe.

1 Timoti 5:11

Nomba ifyokolo fyabanakashi abayiche wibapendelako kuli ndi bumba. Pantu ulo ulunkumbwa lwakuupwa lwabekata, chakubalenga ukufuma kuli Klistu nokuupwa nakambi.

1 Kolinto 7:28

Nomba nga waupa taukobifyapo iyowo. Umwansungu uutayishibapo umwalalume naye nga aupwa, tabifishepo iyowo. Nkofwaya ukumufumyako bwaka kumachunshi ayo abaupana bakwata.

1 Kolinto 7:39

Umwanakashi alikakwa nefunde ulo umulume wakwe ali umumi. Nomba umulume nga afwa, ali nensambu ishakupwa kumwalalume umbi, nomba abe umwina Klistu.

1 Kolinto 7:36

Nga umbi akolanguluka ukuti akokalifya umwanansungu uutayishibapo umwalalume uyo akobekele, ulo ye akotwalilila mukuteshiba umwalalume, elo umuntu ngulya atwalilila ukufwaya ukumupa, angamupa. Tabifyapo iyowo.

Imilimo ya batumwa 19:36

Takupo umuntu ungakanapo mfi fintu. Echo tekeni bwaka imitima, mwichitapo ichintu mulubilo.

1 Tesalonika 4:4

Umuntu onse muli mwebo eshibe umwakwikalila nomukashi wakwe, munshila iiweme nakambi iyamuchinshi.