1 Kolinto 5:4 - Chipangano Chabwangu

⁴ Ulo mwalongana mwishina lyaku Bashikulu Yesu, nadibo ndi namwe mumutima nefiso fyaku Bashikulu Yesu filipo,

1 Kolinto 5:4 Referans Kwoze

Kolose 3:17

Nafyonse ifyo musosa nokuchita, filokuchitilwa mwishina lyaku Bashikulu Yesu, emo mulokutotelamo Lesa Wishi.

2 Kolinto 13:3

Elo mwakubona ifishibisho ifyo mukofwaya ichakuti Klistu eusosa ukupitila muli ne. Ye tabapo uunakile pafyo akuchita pali mwe, kuntu akobwenesha ifiso fyakwe pakati kenu.

Yohane 20:23

Bantu bonse mukonakilila amabifyo abo, epela bakunakililwa. Elo bonse abo mutakonakililapo, tabakanakililwepo iyowo!”

2 Tesalonika 3:6

Bawesu, tukomukonkobesha mwishina lyaku Bashikulu Yesu Klistu ukuti mutalamukeko kuli bawesu bonse abanang’ani nakambi abatafwayapo ukukonka ifyo twamusambishe.

Mateyo 16:19

Nakukupa imfungulo shabufumu bwakumulu. Chonse icho wakaka panonshi nakumulu chakakwa, necho wakakula panonshi, nakumulu chakakulwa.”

Efeso 5:20

Mutotole Lesa Bata inshita shonse pamulandu wafintu fyonse mwishina lyaku Bashikulu Yesu Klistu.

2 Kolinto 13:10

Nkolemba mfi ulo nshilafika kuli mwe ukwebati nga nafika, nikasangilapo apakubomfya insambu shandi ishabutungulushi mubukali. Bashikulu balimpele ubutungulushi mbu ukuti mwimake, tekumubongololapo iyowo.

Imilimo ya batumwa 16:18

Alikuchita mfi panshiku ishinji kufikila ulo Paulo chamukalipile. Elo aalyalukile nokweba umupashi uubi ati, “Mwishina lyaku Yesu Klistu, nakweba ati ufume mumwanansungu ngu!” Penkapo umupashi uubi walifuminemo muli ye.

Imilimo ya batumwa 3:6

Elo Petulo amwebele ati, “Indalama nebo nshikwetepo, kuntu nkokupela icho nkwete: Mwishina lyaku Yesu Klistu waku Nasaleti nkoti ima wende!”

Mateyo 28:20

Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Mateyo 18:20

Pantu uko abantu babili nangu batatu balongana mwishina lyanji, nandibo ndi pakati kabo.”

Imilimo ya batumwa 4:30

Tambululeni ukuboko kwenu ukuti muposhe abantu nakambi mulenge ukuti ifiso fwenu ifikulu fiboneke mwishina lyaku Yesu Umupyungi wenu Uwabuta.”

2 Kolinto 2:6

Chiweme pakuti abenji mwamupela umulandu umuntu uuli mfi.