1 Kolinto 2:7 - Chipangano Chabwangu

⁷ Umulangwe uwo tusosa waku Lesa, uwamubumfishi, uwafisama ukufuma kubantu. Lesa talatala ichalo, apekenye kabela ukuti atupele ubuleme.

1 Kolinto 2:7 Referans Kwoze

2 Petulo 1:3

Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

Mateyo 13:35

Achitile mfi mukufikilisha ifyasosele umusoseshi ati, “Nakusambishisha mufyelusho, nakumulondolwela ifintu ifitayishibikwa ukufuma pakutatika kwachalo.”

Mateyo 11:25

Pali njilya nshita Yesu asosele ati, “Bata, mwe Kateka wamulu nechalo! Nkomutotela pantu mwalanga mfi ifintu kubatasambilila ifyo mwafishile kubamano nabasambilila.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

1 Petulo 1:11

Umupashi waku Klistu uwayikala muli bo wasosele kabela ifyakufinya ifyo Klistu akuumfwa, elo nefyamuchinshi uwo akuba nawo panuma. Abasoseshi mbalya balikufwayilisha ukwishiba ulo mfi fyakuchitika, namunshila ndo.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

1 Petulo 5:1

Nomba ndinamashiwi kubafilolo abamuchilonganino pakati kenu, nebo nechilolo munabo. Ndimboni nakambi wamachusho aku Klistu. Elo nkolindilila ukupokelela umuchinshi uwakwisa kufisululwa.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

Loma 8:30

Echo abo Lesa asalile ebo ayitile. Elo abo ayitile, akubalungamika. Nakambi abo alungamika, ebo aakene umuchinshi.

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

1 Kolinto 2:1

Bawesu, ulo nayishile kuli mwe ukwebati musambishe ifyafisama ifyo Lesa afisulwile, nshasoselepo kubati uwamulangwe, uwayishiba ifyashika.

Efeso 3:10

Elo Lesa akubomfya ichilonganino mukubwenesha ifiso nensambu shakwe kufyakumulu ukwebati fishibe ati, ali nomulangwe uupusene-pusene.

Hebele 1:2

Nomba munshita shakupelako shino asosa nafwebo ukupitila mu Mwana wakwe. Muli Ye Lesa alengele ichalo, nakambi eye asalile uwakuba umwine wafintu fyonse.

Hebele 11:3

Muchichetekelo tuleshiba ukuti fyonse ifilipo fyalengelwe namashiwi aku Lesa. Echo ifintu ifiboneka fyapangilwe kufintu ifitaboneka.