1 Kolinto 1:9 - Chipangano Chabwangu

⁹ Lesa wachishinka. Elo Ye ewamwitile ukwebati muwikishanye pamo no Mwana wakwe Yesu Klistu, Bashikulu wesu.

1 Kolinto 1:9 Referans Kwoze

2 Tesalonika 3:3

Nomba Bashikulu bachishinka, bakulamukoselesha nokumuchingilila kuli njilya mbifi.

Hebele 10:23

Tushipe muchichetekelo ichakulindilila icho tukwete pakuti uyo uwatulayile wachishinka.

1 Yohane 1:3

Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

1 Kolinto 10:13

Ukwesheka uko mwebo mwabona, takupusenepo nokweshekwa uko abantu bonse babona. Lesa wachine. Echo tekuti amulekeleshepo ukweshekwa ukuchila pafiso fyenu. Nga mwayeshekwa, umwine akumupela inshila yakupulukilamo, pakumupela ifiso ifyakwebati mushipikishe.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

Ukufisulula 19:11

Panuma yaku mfi nalibwene kumulu kwayisuka. Nalibwene nakabalwe uwabuta. Uwakwelele pali ye bamwita ukuti Uwachetekelwa nakambi Uwachine. Eupingula nokulwa mubulungami.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.

2 Kolinto 1:18

Napali Lesa wachine nkolapa ukuti amashiwi nga tukomweba taalipo “Ina” nangu “Iyowo.”

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

1 Yohane 4:13

Tulishibile ukuti tuli muli Lesa na Ye aba muli fwebo pakuti alitupela Umupashi wakwe.

Hebele 11:11

Muchichetekelo Sala naye ayishile kwata umwana mubukote. Alichetekele muli Lesa ukuti afikilishe ubulayo bwakwe.

Loma 9:24

Nifwe abo Lesa ayitile, tekufumapo ku Bayuda benka iyowo, kuntu nakubenafyalo.

Loma 8:30

Echo abo Lesa asalile ebo ayitile. Elo abo ayitile, akubalungamika. Nakambi abo alungamika, ebo aakene umuchinshi.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

2 Tesalonika 2:14

Lesa amwitile kuli nchi ukupitila mu Butumi Bwawama ubo twamusambishe ukuti mukwate ubuleme bwaku Bashikulufwe Yesu Klistu.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Efeso 3:6

Ubumfisolo mbu bwakuti mu Butumi Bwawama abenafyalo nabo bapoke ishuka lyaku Lesa pamo na Bayuda. Pamo na Bayuda filewa ifyamubili umo, elo muli Klistu Yesu balapokelela pamo nabo ubulayo bwaku Lesa.

Hebele 6:18

Elo pali ifintu fibili ifitangapilibukapo: ichilapo nakambi ifyo Lesa tekuti abepepo iyowo. Echo Lesa afwayile ukuti akoseleshe fwebo, fwe babutukile kuli Ye ukuti tushipikishe ukulolela uko atupele.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

Hebele 2:17

Nchi chikoyalula ukuti ayalukile kubati bawakwe pali fyonse, ukuti abe Chipupila Mukulu wankumbu nechichetekelo pakupyungila Lesa nokufuta amabifyo ayabantu.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

Mateyo 24:35

Umulu nechalo fyakupita, kuntu amashiwi anji akubelelela umuyayaya.

Galatiya 1:15

Nomba Lesa umwine alinsalile kale nokunjita ulo nshilafyalwapo.

1 Kolinto 10:16

Ulo tunwako kulukombo uko tutotela Lesa, nku kwakanapo mumulopa waku Klistu. Umufuba uwo tusunaula, napo tatukumbinkanapo nomubili waku Klistu uyo tulyako?

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

Loma 11:17

Imisambo imbi yachiti chamaolife yakontokele, elo Lesa alikambatikilepo iyamumpanga muchifulo yachiko. Mwe benafyalo muli kubati misambo iyamumpanga njilya, kuntu nomba mukopokelela ifiso ififuma muchiti chamaolife ichabyalwa, ekwebati ukufuma kubena Isilaeli.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

2 Timoti 2:13

Nga fwebo tatulipo abachetekela, Ye aba uwachetekela, pakuti tekutipo ayitalike umwine.”