1 Kolinto 1:7 - Chipangano Chabwangu

⁷ Echo tapapo ubupe ubo tamukwetepo ulo mukolindila ukuboneka nakambi kwaku Bashikulu Yesu Klistu.

1 Kolinto 1:7 Referans Kwoze

Filipi 3:20

Nomba fwebo kwesu nikumulu. Elo Umupulushi uyo tukolindila akufuma kwenka nkulya. Umupulushi ngu ni Bashikulu wesu Yesu Klistu.

2 Petulo 3:12

Mukolindila akasuba akakubwela kwaku Lesa ulo mupyunga mukwangufyanya akasuba nkalya. Pali nka kasuba ifyakumulu fyakupya nokonaulwa kumulilo, elo ifintu fyonse fyakusungulika kumulilo.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

Yuda 1:21

Ikaleni mukutemwa kwaku Lesa ulo mukolindila ubumi butapwa ubo Bashikulu wesu Yesu Klistu akaya kupela muchisa chakwe.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

1 Petulo 4:13

Mulokusangalala pantu mukochulako kubati ni Klistu ukwebati nga umuchinshi waboneka mukasangalale ukwinekantu.

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Loma 8:19

Ifyo fyonse Lesa alengele fikolindila ukwinekantu ulo Ye akufisulula abana bakwe.

Luka 17:30

Efyo chakwisa kuba pakasuba ulo Umwana wa Muntu akwisa kuyifisululamo.

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

2 Tesalonika 1:7

Elo akumupela ukutusha mwe bakochula nomba pamo nafwebo. Akuchita mfi ulo Bashikulu Yesu bakufuma kumulu pamo na bangelo babo abafiso.

1 Tesalonika 1:10

Elo mukopembela ukubwela kwa Mwana wakwe ukufuma kumulu, uwo abushishe kubafwa. Ngu ni Yesu uutupulusha kubukali bwaku Lesa ubukoyisa.

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

Luka 12:36

kubati abamilimo abakolindila shikulu wabo ukubwela ukufuma kukulya kwabwinga. Ulo ayisa nokukonkosha, bakomwiswila mukwangufyanya.

Mateyo 25:1

“Pali njilya nshita, ubufumu bwakumulu bwakubati banansungu ikumi abapintile inyali shabo nokuya mukuchinsha nshibwinga.

2 Kolinto 12:13

Napo pali ichintu chimo icho nshamuchitileko ukuchila ifilonganino fimbi fyonse, ukuchila nchi ichakuti niba kubati katundu wakumulemena? Munjeleleko ukubifya nku.

Loma 8:23

Te fibumbwapo fyenka ifikochula mfi, kuntu nafwebo abakwata Umupashi Wabuta wabafye chabupe ichakubalapo ichaku Lesa, tulomfwa ukufinya muli fwe ukwinekantu. Inshita yonse tukolindila ukuti Lesa atupulushe nokutupokelela nga abana bakwe.

Galatiya 5:5

Nomba kuli fwebo, pakuti twalipokelela Umupashi Wabuta, tukololela ukuti Lesa akatupokelela nga abalungama ukupitila mukuchetekela.