1 Kolinto 1:5 - Chipangano Chabwangu

⁵ Echo muli Klistu muli bachindama pali fyonse, ukuchilapo mukusosa namukwishibisha konse.

1 Kolinto 1:5 Referans Kwoze

2 Kolinto 9:11

Akumuchindamika muli fyonse ukwebati mulokupela inshita shonse, elo abenji bakutondayisha Lesa pamulandu wabupe bwenu ubo twakubatwalilako.

2 Kolinto 8:7

Kubati nimfilya muli abachila muli fyonse: Mukuchetekela, mukusosa, mukwishiba, mukufwayilisha ukwafwa namukututemwa. Efyo mukachilepo namukupela nku ukwakwafwilisha.

Kolose 2:3

Muli Ye emwafishilwa ububoni bonse ubwamulangwe namano.

Filipi 1:9

Nkolomba ukwebati ukutemwana kwenu kulokukulilako bonse ukuchila, mukwishiba elo namukumfwisha ifintu ukufikapo.

Loma 15:14

Mwe bawesu, nalishininkisha ukwebati mulikwete ubumi ubuweme, mulishibile fyonse ifisuma nokusambishanya.

Yemusi 3:13

Ninani pali mwe uuli nomulangwe nokumfwikisha? Ayilange enka ukupitila mumikalile yakwe iiweme, namuli mfilya achita ifyamulangwe mukuyichefya.

Kolose 3:10

Nomba mwalinjila mubumi bwabwangu. Elo kabumba wenu eubulenga ubwabwangu lonse muchipasho chakwe pakumupalamika uko aba, pakuti mumwishibishe bwino.

Efeso 6:19

Munombeleko nandibo ukwebati Lesa ampele amashiwi ulo nkobilisha kubantu ishamubumfisolo ifya Batumi Bwawama ukwambula umwenso.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

1 Kolinto 12:8

Umupashi Wabuta ngu upela umuntu umbi amano ayakusosa ifyamulangwe, umbi naye Umupashi umo wenka upela ubupe ubwakusosa namano.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

1 Kolinto 13:2

Nangu ndi nechabupe ichakusambisha, nangu nalishiba ifyamubumfisolo fyonse, nokumfwikisha fyonse, nangu ningakwata ichichetekelo ichakusesha impili, nomba nga nshikwetepo ukutemwa, tanshipo kantu.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

1 Kolinto 14:26

Findo nakusosa bawesu? Ulo mulongana pamo, umbi ali nolwimbo, umbi neshiwi alefwaya ati asambilishe, umbi ali nakantu kambi ako Lesa amufisulwila, umbi naye akusosa mundimi ishitayishibikwapo, elo umbi naye wakwalula. Nomba fyonse mfi fichitwe mukukoselesha ichilonganino.

1 Kolinto 13:8

Ukutemwa takushilapo. Ubusoseshi bwakushila, ukusosa indimi ishapusana-pusana kwakushila, elo namano yabantu yakuloba.

1 Kolinto 12:10

Upela umuntu umbi ifiso ifyakuchita ifyafiso ifikulu, umbi naye ukushimika amashiwi aku Lesa. Elo umbi ukupatulula ubupe ubufuma ku Mupashi uuweme nangula uubi, umbi upelwa ukusosa mundimi ishitayishibikwa, nakuli umbi upela ukwalula indimi nshi.

1 Kolinto 8:11

Echo umuntu ngu uwanaka, wenu, akuloba pamulandu wakwishiba kobe. Wachita mfi kuli wobe uwo Yesu afwilile pamulandu wabuntungwa bobe.

Loma 15:4

Fyonse ifyalembwa mu Malembo fyalembelwe ukutusambisha fwebo. Nga Amalembo akotusambisha ukuteka umutima ukwebati tube ukulolela nokukoseleshiwa ukwakufikapo.

Loma 11:12

Ukubifya kwabena Isilaeli kwaletele ishuko kubantu bonse abapanonshi. Ukufilwa kwabo kwaletela ishuko kubenafyalo bonse. Echo kwakuba ishuko ilikulu apo impendwa yabena Isilaeli abasalwa yakukumanina!

Imilimo ya batumwa 2:4

Elo bonse bayiwile no Mupashi Wabuta. Batatikile nokusosa mundimi ishapusana-pusana kubati ifyo Mupashi afwayile ukuti balokusoselamo.

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.