1 Kolinto 1:2 - Chipangano Chabwangu

² Tukolembela ichilonganino chaku Lesa ichili ku Kolinto. Lesa alimupatula muli Klistu Yesu nokumwita abantu bakwe, pamo nabo abeta peshina lyaku Bashikulu, konse uko bali. Ye e Shikulu wabo nakambi wesu.

1 Kolinto 1:2 Referans Kwoze

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Hebele 13:12

Echo Yesu naye alifwilile kunse yamushi pakuti awamye abantu kumabifyo abo nomulopa wakwe.

1 Tesalonika 4:7

Pakuti Lesa taatwitilepo ukuti twikale mukubifya iyowo, kuntu mukubuta.

Hebele 10:10

Pakuti Yesu Klistu alichitile ifyo Lesa alikufwaya ukuti achite, twasangululwa nechipupo ichamubili wakwe icho apele umuku umo bwaka.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

Imilimo ya batumwa 9:14

Elo ayisa namuno Damasikasi nobuleme ubo afumya kuntungulushi shabachipupila ukuti akake bonse abalombela mwishina lyenu.”

Ukufisulula 19:16

Pamwinjila wakwe napachibelo chakwe palilembelwepo ishiwi ilikoti, “Imfumu iyashamfumu, Bashikulu wabashikulu bonse.”

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.

Hebele 2:11

Uyo uuwamya abantu nabo abawamishiwa abo bonse balikwete Wishi umo. Emulandu enka ngu Yesu tomfwilapo insoni ukubeta ukuti bawakwe.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

1 Timoti 3:15

Nomba nga nachelwa ukwisa, ifyo nalemba muli kalata nji fyakukutangilila ifyo abantu balingile ukwikala munanda yaku Lesa umumi. Chilonganino eling’umba nomufula uwafyachine ifyaku Lesa.

2 Tesalonika 1:1

Nine Paulo, Sailasi pamo na Timoti. Tukolembela mwebo mwe chilonganino chaku Tesalonika, ichaku Lesa Bata na Bashikulu Yesu Klistu.

1 Tesalonika 1:1

Nine Paulo, Sailasi pamo na Timoti. Tukolembela mwebo mwe chilonganino chaku Tesalonika, ichaku Lesa Bata na Bashikulu Yesu Klistu. Ubwanshi nomutende fibe namwebo.

Efeso 5:26

ukwebati achibutishe. Achibutishe pakuchisamfya namenshi, elo namashiwi aakwe.

2 Kolinto 1:1

Nine Paulo umutumwa waku Yesu Klistu ukulingana nokufwaya kwaku Lesa. Ndi nawesu Timoti. Tukolembela ichilonganino chaku Lesa ichili ku Kolinto nabantu bonse abaku Lesa abali muchalo cha Akaya.

1 Kolinto 8:6

Nomba fwebo tulikwete Lesa umo epela. Shifwe uwapangile ifintu fyonse. Muli Ye emo tukwatilemo ubumi. Tuli na Bashikulu bamo benka, Yesu Klistu. Lesa alengele fyonse ukupitila muli Ye. Elo nafwe tuli obomi pamulandu wakwe.

Loma 10:12

Pakuti tapali ukupusana pa Bayuda nabenafyalo. Shikulu wabo bonse umo bwaka. Alashukisha abo bonse abamupapata.

Loma 3:22

Abantu balalungamikwa na Lesa mukuchetekela Yesu Klistu. Lesa alachita mfi kuli bonse abachetekela muli Klistu. Takupo akapatulula iyowo.

Imilimo ya batumwa 22:16

Nomba chindo icho ukolindila? Ima nokubatishiwa ukuti usambe amabifyo obe elo wite peshina lyaku Bashikulu.’

Imilimo ya batumwa 18:1

Panuma Paulo afumine ku Atene nokuya ku Kolinto.

Imilimo ya batumwa 15:9

Lesa talangilepo akapatulula pakati kesu nabenafyalo. Alungamikile imitima yabo pantu balichetekele.

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Imilimo ya batumwa 9:21

Nomba bonse abamumfwile balishimbilwe nokufumbana ati, “Tengu muntu uwalikwipaya abachetekela mu Yelusalemu? Alishile nankuno ukukaka abachetekela nokubatwala kuntungulushi shabachipupila!”

2 Timoti 2:22

Elo webo utalukeko kumibele iibi iyabulumbwana. Uchite bwaka ifyalungama, ichichetekelo, ichitemweko nomutende pamo nabantu bonse abachinshika Bashikulu nomutima wabuta.

Galatiya 1:2

Nebo nabawesu bonse nkuno, tukomuposha umutende mwe bafilonganino ifyamu Galatiya.

Imilimo ya batumwa 9:13

Ulo aumfwile mfi Ananiyasi ayasukile ati, “Bashikulu nalyumfwa kubenji imilandu yonse iibi iyo ngu muntu achita kubantu benu mu Yelusalemu.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

1 Kolinto 10:32

Ubumi bwenu bwilenga Abayuda, abenafyalo nangula ichilonganino chaku Lesa ukubifya.

1 Kolinto 12:27

Echo mwebo bonse muli umubili waku Yesu. Elo bonse muli ifilewa fyamubili waku Ye.

1 Timoti 2:8

Nkofwaya ukuti lonse ulo mwalongana abalalume balokwimya amaboko abo pakulomba. Balokuchita mfi mukupela umuchinshi kuli Lesa ukwambula ukukalipa nangula ukutalika.

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”