1 Kolinto 1:11 - Chipangano Chabwangu

¹¹ Pakuba bawesu abamulupwa lwakwa Koloye balinshimikilako ifyaku mwebo ukuti paliba ukupatukana pakati kenu.

1 Kolinto 1:11 Referans Kwoze

1 Timoti 6:4

Umuntu uwamfi teshibilepo akantu, kuntu umutima ufwaya bwaka ifyakutalikishanya pafintu ifyabwaka. Mfi fyonse fileta bwaka akalumwa ifitala, umusalula, ukulangulukila ifibi pabantu,

Galatiya 5:26

Tatulingilepo ukuyikusha, nangula ukukalifyanya, nangula ukuba nomufimbila.

1 Kolinto 3:3

Muchili abantu bwaka. Pali mwe pachili umufimbila nefitala. Napo mfi tafikomushininapo ukwebati muchili abantunse? Napo tamukoyikalapo nga bantu bapanonshi

Galatiya 5:20

ukulomba tungosa wakubasa nobuloshi, ukupatana, umufimbila, ichipyu, ukuyitemwa, ukupatukana,

Galatiya 5:15

Nomba nga mukochushanya kubati ninama ishamumpanga, muchenjele ukwebati mwikayonaula mwenka.

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

Filipi 2:14

Chiteni fyonse ukwambula ukuyilishanya nangu ifitala,

1 Kolinto 11:18

Ichakubalilapo, ndyumfwile ati ulo mulongana kulaba ukupatukana pakati kenu. Ukuba nandibo kumbi nkochetekela ati mfi fyachine. (

1 Kolinto 1:10

Mwe bawesu nkomupapata, mwishina lyaku Bashikulu Yesu Klistu ukuti mulokumfwanina pamo bonse. Pelokubapo ukupatukana pakati kenu, kuntu mulokumfwana nomutima umo, elo necho mufwaya.

1 Kolinto 1:12

Ifyo nkososa nimfi ifyakuti umbi akososa ati, “Nebo ndiwakwa Paulo,” umbi naye ati, “Ndiwakwa Apolosi,” umbi naye ati, “Nebo ndiwakwa Kefasi,” elo umbi naye ati, “Nebo ndiwaku Klistu.”

Taitasi 3:9

Nomba mutalukeko kufikansa, ulunkonena lwafikolwe, ukulaka nokusula amafunde. Mfi fyonse tafilingilepo nakambi tamupo bupilibulo iyowo.