ZEFANYA 3:15 - WUKE SUSI WATTI'U AL᷊AL᷊USASSA

¹⁵ Ana waugu Mawu nangillol᷊ote makkuumanni yamiu; i Tou buatte nallimbuakka al᷊awo'u seennu. I yamiu lal᷊u'arannu ratun Israel, Mawunu sassane. Orassa indi i yamiu ariete mata'utta apia.

ZEFANYA 3:15 Referans Kwoze

YESAYA 51:22

Etearendi wisara Mawunu, Mawu Ruatanu apan nanamba'a si yamiu, “Asasusa apan Ta'u nionggolla sulal᷊ummu asasa'u-U, sarun Ta'u ul᷊eanna apia wuassi'o. Asasa'u-Ku sarun mompo'a, wuṛṛu i yamiu tate lai mamasanna udde.

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.

AMOS 9:15

I Ya'u sarun mapatana'u uma-U su wanua apan buatte Ta'u nionggolla si mangitou. I mangitou tate lai wambanganna wua poiaroddi. I Ya'u Mawu Ruatan mangitou buatte nabbisara.”

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

ZAKARIA 14:11

Manga taumata sarun matana'a ringannu matammudda su soa udde, ringannu tawe wawansagu papate.

ZAKARIA 12:3

Arawe amungkangngu allo udde nia'omante, i Ya'u sarun ma'ola'a Yerusalem ere watu apan mawakkatta; al᷊awo'u walahanna apan maannamma mamengketta sarun maasomba silaka. Anambon balahanna su runia sarun maamulla mamangalo Yerusalem.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

DARALO 85:3

I'o buatte nangampunga manga rosan al᷊aṛṛanang-Ngu; I'o nangonggolu ampungnge al᷊awo'u pasasal᷊ane.

SONDAPPA 12:10

See i ya'u naaringikka tingikka apan ma'ikkatta su surga mabbisara, “Ete orassa indi tempone Ruata manal᷊amatta pabbawala-Ge! Orassa indi Ruata napaal᷊iatta'u taṛṛino-Ne ere sangkatou Ratu! Orassa indi Ratum Punnu Sal᷊amatta apan suete pina'ire udde suete napaal᷊iatta'u taṛṛino-Ne! Ana waugu apan nangansila manga tuṛṛangi ite su saruannu Ruata, allo wuṛṛu ṛabbi, suete niapaasabbanga wuassu surga.

SONDAPPA 7:15

Ana waugu udde i mangitou uarisikka su saruannu adderan araratuannu Ruata, wuṛṛu mattaṛṛamawu si Tou allo ṛabbi su Wal᷊e Mawu. Wuṛṛu i Tou apan ua'ianna su adderan araratuanna udde sarun masemodda ringanni mangitou wuṛṛu manirungnga si mangitou.

YOHANES 19:19

Su alu arussa Mawu Yesus, i Pilatus napa'elen boṛṛetta indi: “Yesus wuassu Nazaret, Ratun Taumatan Yahudi.”

YOHANES 12:15

“Arie pa'ata'utta, sinangiannu Sion! Pa'ellege Ratunu nirumanta, uasa'e sambau keledai saṛṛen tumuwo!”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

HABAKUK 2:17

I'o mannuwangnga manga aaluanna su mahurangngu Libanon, wuṛṛu orassa indi i'o sassane apan sarun tuwanganna. I'o mammate manga winatangnge, wuṛṛu orassa indi manga winatangnga mamma'utta si'o. Sarangkanambone udde mariaddi ana waugu pamamate wuṛṛu araṛṛagissa apan buatte niolangngu su saruannu manga wanua, manga soa wuṛṛu manga tumanangnge.

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

PANDARIADDI 30:23

Ne i Rahel piate illoṛṛo wuṛṛu nangunsiweten sangkatou ana'a esakka. Unni Rahel, “Ruata buatte napaawul᷊in asasili'u.

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YOHANES 5:30

“I Ya'u tawe mapa'ola'a manga apa wuassu apulu-U sassane. I Ya'u tumba'u makkuungnga wuassu parentan Ruata. Wuṛṛu i Ya'u maṛṛawessa tawe sal᷊ane, ana waugu i Ya'u tawe tumuṛṛutta apulu-U sassane, arawe apulun Iamangnga apan nandolo-U.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

DARALO 19:9

Atorannu Mawu udde naṛṛino, maal᷊uassa naungnga. Laṛṛewessu Mawu udde tutune, ma'ola'a taumata maasunna.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YEHEZKIEL 35:10

I yamiu mabbisara manungku mawae Yehuda ara'e Israel ringannu letangnge sambau-sambau uddewe pussa'anu, wuṛṛu manungku i yamiu sarun manahuanna salaiwe i Ya'u, Mawu, uddewe Ruata mangitou.

DARALO 149:2

Lallala'e, ei Israel ana waugu Mandariaddinu; lalluasse, ei tumana'u Sion ana waugu Ratunu!

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

YEHEZKIEL 36:15

Tate gunane lai leta'a indi maddaringikka aal᷊uandagu manga walahanna ara'e mamasanna hahelon taumata. Leta'a indi tate lai maaradda'a walahanna apan uatana'a isudde. I Ya'u Mawu Apan Atanggaṛṛanne buatte nabbisara.’ ”