ZEFANYA 2:1 - WUKE SUSI WATTI'U AL᷊AL᷊USASSA

¹ Ei walahanna apan tawe masili, panutukke

ZEFANYA 2:1 Referans Kwoze

YOEL 1:14

Doloṛṛa'e umannu mappuasa, al᷊iata'e paammul᷊anna wahewalla! Pannotete manga piaṛṛa'a wuṛṛu matatimmade see lai anambon tumana'u Yehuda, tadea'u rumanta su Wal᷊en Duata, tadea'u sumal᷊ande maiontolla si Tou.

2 TAWARIKH 20:4

Wuassu suapan soa su Yehuda, taumata inaite watukku Yerusalem maiontolla su Mawu.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

NEHEMIA 9:1

Su allo darua pul᷊o appatta wul᷊anna udde lai, tumana'u Israel naammulla. I mangitou nappuasa tadea'u mapal᷊iatta'u sasassilla ana waugu manga rosan mangitou. I mangitou naṛṛaen batanganne wuassu anambon taumata raho. Naola'a tatiala massusa, i mangitou nalluṛṛen nasa karongnga wuṛṛu nanal᷊iawukku leta'a su pua. Wua'udde i mangitou dirumarisikka wuṛṛu nanga'u al᷊awo'u rosan mangitou wuṛṛu rosan al᷊amonan mangitou.

NEHEMIA 8:1

Su wul᷊anna appitune taumatan Israel namanuate su soane sambau-sambau. Su allo paarorone wul᷊anna udde i mangitou sarangkanambone naammulla su Yerusalem, su rallakka su saruannu Ngara Wahewallu Ua'e. I mangitou maddorongnga tadea Buke Tita al᷊apanni Imam Ezra, sangkatou mapapande sulal᷊ummu Tita apan nionggollu Mawu su Israel wuassi Musa.

MATIUS 18:20

Ana waugu suapa pia darua ara'e sire tallu uaammulla ana waugu i Ya'u, i Ya'u isudde su pattangnganni mangitou.”

ZAKARIA 11:8

Siri tallu malll᷊u'adda apan maddantingku nanginsue asasabbare'u. I mangitou ta'u nilimbuaṛṛanna sulal᷊ummu tempo sambul᷊anna.

YEREMIA 6:15

Ṛinone i mangitou masili ana waugu buatte na'ola'a sarangkanambone apan dal᷊eo udde. Arawe i mangitou wambala maappalla wuṛṛu wagga masili. Ana waugu udde i mangitou sarun manawo ere taumata waine, nuddusse watti'u pabbiaṛṛanni mangitou napawe i Ya'u makkuumanni mangitou. I Ya'u, Mawu, buatte nabbisara.”

YEREMIA 3:3

Ana waugu udde ua'e wuassu langitta nataṛṛanganna, wuṛṛu uranna sutempon batianna tawe mangansalla. I'o naal᷊ihidda sumasandagga, wuṛṛu tawe masili.

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.