ZEFANYA 1:18 - WUKE SUSI WATTI'U AL᷊AL᷊USASSA

¹⁸ Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

ZEFANYA 1:18 Referans Kwoze

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

YEHEZKIEL 7:19

Wul᷊awanna wuṛṛu sal᷊a'a sarun iramme i mangitou su manga lal᷊anna naal᷊ihidda sapadda, ana waugu su allo Mawu mapasabbangu asasa'u-Ne, wul᷊awanna wuṛṛu sal᷊a'a udde tawe mapanal᷊amatta si mangitou, ewe'e lai mamontolli mangitou sulal᷊ummu rosa. I mangitou tawe mapappaatta ipalluassa ara'e ipalloṛṛo tianni mangitou.

AMSAL 11:4

Amungkangngu uasaruante papate, darotongnga tate gunane; wiakku sarun masal᷊amatta napawe naungngu masaṛṛionto'a.

MATIUS 16:26

Apa auntunganne su sangkatou taumata, amungkangngu ahewallu runia indi maola'a darotongnge arawe i tou awul᷊iannu wiakke? Wotongnge wiakka udde sal᷊iuannu sambau darotongnga?

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

ZEFANYA 1:15

Allo udde allon asasa'u, asasahadda wuṛṛu asasusa, allon ahahokka wuṛṛu araṛṛimunsa'a, allon ararandumma wuṛṛu mal᷊abbukka, allo apan marandumma wuṛṛu pia ṛawu'a.

ZEFANYA 1:11

Lalluaite wuṛṛu sassangitte sutempo i yamiu maaringikka udde ei tumana'u soa su wageangnge wowa, ana waugu anambon mabbawal᷊u'a wuṛṛu manga taumata apan mappaawallassu roitta buatte nate nipate!

YEHEZKIEL 16:38

I'o sarun Ta'u iṛṛuumanna ana waugu pasasandaga wuṛṛu pamamate apan buatte niolangngu udde. Sulal᷊ummu naungdal᷊eo wuṛṛu asasa'u-U i'o sarun Ta'u iṛṛuumanna pateanna.

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

1 MARARATU 14:22

Walahannu Yehuda ma'ola'a al᷊al᷊eo su aelleggu Mawu. Inolaanni mangitou lembon mandantan asasa'un Mawu wuassu al᷊awo'u inolaannu al᷊amonan mangitou.

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

AMSAL 18:11

Arawe taumata ala massunna tumba'u darotongnga apan ual᷊u'adda si tou naal᷊ihidda tanda'a watu matanggakka wuṛṛu matohassa uapal᷊iwutta soa.

DARALO 79:5

Oh Mawu, sarangkal᷊o'engnge I'o masa'u, wuṛṛu asasa'u-Nu lukkenggampe ere putungnga?

AYUB 21:30

I mangitou mabbisara, “Su allo Ruata mangonggollu ṛuumanna, manga mandal᷊al᷊eo sarun iapasal᷊amatta.”

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?

YEREMIA 7:34

Wanua indi sarun maola'a wadda'a lol᷊okka. Tingikku al᷊aluassa wuṛṛu tingikku andeangngu awingnga sarun Ta'u iaddo su manga soan Yehuda wuṛṛu su manga lal᷊annu Yerusalem.

YEHEZKIEL 7:5

Ete indi apan niwal᷊on Mawu Apan Atanggaṛṛanne su walahannu Israel, “Asasisalaka sansunannu asasilaka sarun maṛṛia'a si yamiu.

YEHEZKIEL 7:11

Araṛṛagissa pangillul᷊eanne mannamba al᷊al᷊eo. Anambon paa'ala, awawantuga wuṛṛu atatelengngi mangitou sarun masue tawe lannangnge.

YEHEZKIEL 23:25

Ana waugu i Ya'u nasa'u si'o, Ta'u niwala i mangitou ma'ola'a si'o ringannu maṛṛagissa. Ngirunna wuṛṛu tal᷊inganu sarun ponggo'anni mangitou wuṛṛu manga anangngu sarun anuanna wuṛṛu itambunna ta'e wiakka.

ZEFANYA 2:2

tatal᷊anna i yamiu taambe tinumolangnga wuṛṛu maṛṛangu ere bunga! Awal᷊ute tantal᷊anna taambe nirumanta allo asasa'un Mawu, wuṛṛu i yamiu aṛṛiaannu asasa'un Mawu apan lukkenggamma udde.

AYUB 3:15

I ya'u niamatiil᷊anna naal᷊ihidda parinsi, apan nalloṛṛo wal᷊ene ringannu sal᷊a'a wul᷊awanna.

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

YESAYA 10:17

Ruata apan na'ukkassa, Asasemakku Israel, sarun ma'ola'a ṛenggammu putungnga sulal᷊ummu allo massallo manutungnga abbi al᷊awo'a, sara lai ahuranganna ṛoaanna.