ZEFANYA 1:16 - WUKE SUSI WATTI'U AL᷊AL᷊USASSA

¹⁶ Su al᷊o'engngu allo udde aringiṛṛanne tingikku trompetta wuṛṛu hahoressan pangalo wuassu manga atumannaṛṛanne apan mammangalo manga soa pia tanda'a watune wuṛṛu manga candi matanggakka.

ZEFANYA 1:16 Referans Kwoze

AMOS 3:6

Apa taumata su soa tawe mangiladda amungkangngu maaringikka tingikku trompetta tatialan pangalo? Wotongngewe sambau soa aṛṛiaannu asasilaka, amungkangngu Mawu tawe mandantan asasilaka udde?

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

YESAYA 32:14

Ewe'e lai wal᷊en araratuanna sarun itantangnga wuṛṛu inangngu soa apan rame mabbal᷊i mal᷊annaba. Wuidda wuṛṛu manga menara panddariaganna buatte niratakka ringannu leta'a saran mal᷊annu-l᷊annu. Manga keledai matengnga wuṛṛu domba sarun mannal᷊angnga wuṛṛu umanna nannal᷊o isudde.

HABAKUK 3:6

Napawe I'o mattaalla, runia umio'a; napawe I'o ma'ellega, manga walahanna mangindo. Manga wowone apan mal᷊annute mangke napapesangnga; manga wuidda apan al᷊annuanne lai nattingkawawo, ete su manga wuidda udde I'o u'amatta ro'en tempo dorone.

HOSEA 5:8

Tiuppe trompetta su Gibea! Patuntungia'e tialan bawaggo mapapangalo su Rama! Pangikkuitte hahuressan pangalo su Betel! Wette taumatan Benyamin, inaite mapapangalo!

YEREMIA 8:16

Seetta poite su soan Dan; tingikku awal᷊o mangitou niaringiṛṛante wuṛṛu ahewallu wanua nabbal᷊i matta'utta. Seetta nirumanta tadea'u makkimunsa'a ahewallu wanuang kite, see lai manga soang kite wuṛṛu anambon tumanangne.”

YEREMIA 6:1

Roote tal᷊angnga, ei manga taumatan Benyamin! Tantanga'e Yerusalem! Paniuppe trompetta su Tekoa, wuṛṛu paṛṛenggama'e putungnga isaratta su Bet-Kerem! Asasilaka wuṛṛu pangalo wahewalla rumanta wuassu sawannakka.

YESAYA 59:10

I yami uasasaṛṛipo naal᷊ihidda taumata wuta; allattune i yamiu iattara ere ṛabbi mattangnga; su tangngan taumata wiakka yami naal᷊ihidda taumata nate.

TAHIUL᷊E 28:52

I mangitou sarun mamangalo al᷊awo'u soa apan nionggolu Mawu Ruatanu si yamiu, ma'oman sara darandungnge apan matanggakka wuṛṛu matohassa ipamungan kamiu udde sarun maṛṛa'a.

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

YOEL 2:1

Paniuppe trompetta, patuntingia'e tatialan asasilaka su wuiddu Sion apan susi, aṛṛa'uanu Ruata. Pangngiladde, ei tumana'u Yehuda! Ana waugu Allon Mawu maranite wuṛṛu mal᷊ihakke rumanta.

YOSUA 6:20

Ana see manga imam nattiuppa trompene. Wuṛṛu aroddi manga taumatan Israel naaringikka tingikku trompeta udde, i mangitou hinumio ma'ikka-ikkata, ana see darandungu soan Yerikho naṛṛa'a. Anambon tantaran Israel lapiddu niumawitta, wuṛṛu sinumutta su soa udde ana see nangaṛṛote.

YEHEZKIEL 7:7

Sarangkanambone nuddusse si yamiu, ei walahanna apan uatana'a su leta'a indi. Orassa indi tate lai manga andeangnga su manga mezbah su panenteanna, nallambe tumba'u pabbawawul᷊o.