ZAKARIA 9:3 - WUKE SUSI WATTI'U AL᷊AL᷊USASSA

³ Tirus buatte napararisikku manga tanda batun mangitou wuṛṛu nangombon manambo atonna wul᷊awanna wuṛṛu sal᷊a'a na'oman sara naola'a ere saranapa wiasa ere anne wuṛṛu labbo su lallanna.

ZAKARIA 9:3 Referans Kwoze

YEHEZKIEL 27:33

Sutempo i'o namare laudda ringannu luranna apan nasadda-saddatta, i'o nanuungngu hausannu manga walahanna; manga ratu lai niolangngu ala.

AYUB 27:16

Wotongnge lai sal᷊aane uawombo wuṛṛu laungnge pasi al᷊isansunna,

2 SAMUEL 24:7

Wua' isudde i mangitou inaite watukku timukka su Tirus soa apan pia tanda'a watune udde. Ana see i mangitou inaite watukku anambon soan taumatan Hewi wuṛṛu taumatan Kanaan, wuṛṛu panginsueanne su Bersyeba, su samba'an timukku wageangngu Yehuda.

YOSUA 19:29

Wua'isudde akkitu passaranna mabeṛṛo watukku Rama masal᷊a maddatingngu Soa Tirus, eteudde sambau soa apan pia tatandange; wua'udde akkitu passaranna mabeṛṛo apia watukku Hosa ana see masue su Tahal᷊oangnga Tangngane. Su lal᷊ummu manga passaranna udde nasutta lai Mahalab, Akhzib,

YESAYA 23:8

Wal᷊inewe manga maddaraggange amonannu papunna apan lembon a'addatanna su runia? Isai apan makkawessa mangema'u Tirus, soa apan taṛṛinone ahewal᷊anne indi?

AYUB 22:24

Rammea'e wul᷊awanna apan lembon tutune; lomboa'e su wantan sal᷊ukka apan tate ua'ene lai.

1 MARARATU 10:27

Sulal᷊ummu tempon Salomo uaparenta, su Yerusalem sal᷊a'a naola'a ere saranapa wiasa ere lai watu, wuṛṛu alu cemaran Libanon ete pia seregge ere alu cemara wiasa.

1 MARARATU 10:21

Anambon saranapa pa'inumanni Salomo niola'a wuassu wul᷊awanna, wuṛṛu anambon saranapa su Balai Mahurangngu Libanon niola'a lai wuassu wul᷊awanna tutune. Taweddu niola'a wuassu sal᷊a'a, ana waugu su tempon Salomo taumata massunna sal᷊a'a udde tawe aregane.

YESAYA 23:11

Mawu buatte namataddu lima-Ne su wowon tahal᷊oangnga wuṛṛu namilingngu manga araratuanna. I tou namarenta tadea'u manga tanda batun Funisia iapahohakka.

YEHEZKIEL 26:12

Manga seennu udde sarun mangaṛṛo al᷊awo'u pa'aala wuṛṛu wal᷊u'annu. I mangitou sarun makkimunsa'a manga darandungngu wuṛṛu mapaṛṛa'a manga wal᷊enu apan mapia. I mangitou sarun manganu manga watune, manga pappalla wuṛṛu letangnge, wua'udde niramme su tahal᷊oangnga.

YEHEZKIEL 27:34

Orassa indi i'o naṛṛodo'e, naṛṛimunsa'a su wantan tahal᷊oangnga. Anambon masanaenu wuṛṛu anambon luranna nawul᷊i suadio'a ringannu su tangngan tahal᷊oangnga.’

AYUB 3:15

I ya'u niamatiil᷊anna naal᷊ihidda parinsi, apan nalloṛṛo wal᷊ene ringannu sal᷊a'a wul᷊awanna.

YEHEZKIEL 27:27

Al᷊awo'u saranapan ragangnga lurannu, anambon matatahal᷊oangnga see masanaenu, anambon waseng kalu wuṛṛu mabbawal᷊ungu, suapan tantara su apalla udde, i mangitou sarangkanambone nawul᷊i nawontolla sutempo i'o naṛṛodo'a.

YEHEZKIEL 28:1

Mawu nabbisara si ya'u,

AMOS 1:9

Mawu nabbisara, “Tumana'u Tirus masokkate ma'ola'a rosa, ana waugu udde i Ya'u sarun makkuumanni mangitou. I mangitou buatte naṛṛuwo sambau walahanna sarangkanambone watukku pamamuanganna, wuṛṛu nanantilli mangitou su Edom; i mangitou buatte nilumawangnga paaire paggahahawe.