ZAKARIA 8:19 - WUKE SUSI WATTI'U AL᷊AL᷊USASSA

¹⁹ “Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

ZAKARIA 8:19 Referans Kwoze

YEREMIA 39:2

Su allo assione wul᷊anna aiappanne tonna mapul᷊o assa sutempo i Ratu Zedekia uaparenta, darandungngu soa nihohakku seetta,

ZAKARIA 8:16

Eteindi manga parenta apan rinone olaanni yamiu: Amungkangngu mabbisara, pabbisarate ringannu atonna su sansul᷊ungngu. Pangonggollennu pallaṛṛuungnga apan matul᷊idda wuṛṛu mangngapiddu paddarame.

ZAKARIA 7:5

Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

ZAKARIA 7:3

I mangitou lai nirolokka niapaiwal᷊o su manga imam wuṛṛu manga nabi, arendi, “Ta'e lai ṛinone i yamiu lumuain ahahohakku Wal᷊en Mawu ringannu mappuasa suapan bul᷊anna al᷊imane ere buatte niola'i yami manga pira tonna al᷊aannune?”

YEREMIA 52:4

ana waugu udde i Nebukadnezar ringannu anambon buntuannu pangalone nirumanta wuṛṛu namangalo Yerusalem su allo appul᷊one wul᷊anna appul᷊one sulal᷊ummu tonna assione sutempo i Zedekia uaparenta. I mangitou napararisikku atanaanni mangitou su liuddu soa, na'ola'a darandungngu pamangaloanna

2 MARARATU 25:25

Arawe su wul᷊anna appitune su tonna udde i Ismael ana'i Netanya wuṛṛu pulunni Elisama apan ta'e lai pallal᷊awannu ratu, inaite suadio'a ringannu siri 10 su atoune watukku Mizpa. I mangitou namangalo wuṛṛu namate si Gedalya suadio'a ringannu taumatan Yehuda, wuṛṛu taumatan Babel apan susampunna ringanni Gedalya isudde.

DARALO 30:11

Daringiṛṛewe, oh Mawu, wuṛṛu akkanaawe i ya'u. Mawu ontol᷊ewe i ya'u!”

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

ESTER 9:22

Ana waugu ete su manga allo udde i mangitou buatte namaddon manga seetti mangitou, na'oman sara asasusa wuṛṛu atataddu'i mangitou nawal᷊u naola'a al᷊al᷊uassa wuṛṛu lal᷊ala'a. Ana waugu udde i mangitou ṛinone mallaghun manga allo udde ringannu andeangnga wuṛṛu sal᷊iwangnga see uaa'onggollu anna wuṛṛu mattahia aonggolla su taumata asiangnga.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

YESAYA 51:11

Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

ESTER 8:17

Wuṛṛu lai suapan soa see propinsi, su al᷊awo'u tampa suratta parentan datu niwasa, manga taumatan Yahudi lullala'a, mallal᷊umanna'a wuṛṛu naandeangnga. Ewe'e lai manambo wuassu tumana'a apan naola'a walahannu Yahudi, ana waugu i mangitou matta'uttu walahanna udde.

YEREMIA 36:6

Ana waugu udde, amungkangngu nia'omante tempone taumata mappuasa, i'o ṛinone inai poiaroddi, wuṛṛu mabbasa ringannu tingikka ma'ikkatta sarangkanambone apan ta'u niampona si'o, tadea'u i mangitou maddaringikka anambon bisara Mawu si ya'u. Manarate udde su tampa apan botongnge i'o daringiṛṛannu suapan taumata apan sulal᷊ummu Wal᷊en Mawu, nasutta taumatan Yehuda apan nirumanta wuassu manga soa mangitou.

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.

ZAKARIA 8:18

Mawu apan Lembontaṛṛino nangonggollu tanata indi si ya'u hunan uman-Ne,

2 MARARATU 25:1

Wua'udde i Zedekia namangalote si Nebukadnezar ratun Babel. Ana waugu i Nebukadnezar ringannu anambon tantarane nirumanta wuṛṛu namangalo Yerusalem su allo appul᷊one wul᷊anna appul᷊one sulal᷊ummu tonna assione su tempo i Zedekia uaparenta. I mangitou napararisikku wal᷊en tantara su liuddu soa, napararisikku tanda'a watu pamangaloanna,

DARALO 34:15

Pangindauten al᷊al᷊eo, pa'ola'e apapia, paddea'e paddarame ringannu anambon auatannu.

YEHEZKIEL 18:8

I tou taambe saran paassa napawallassa ringannu pia bungane. I tou maddiri ma'ola'a al᷊al᷊eo wuṛṛu sulal᷊ummu suapan pattatiakka i tou makkawessa ringannu matul᷊idda.

YEHEZKIEL 24:1

Su allo appul᷊one, wul᷊anna mapul᷊o, sulal᷊ummu tonna assione sutempo i yami niwuangnga, Mawu nabbisara si ya'u,