ZAKARIA 7:9 - WUKE SUSI WATTI'U AL᷊AL᷊USASSA

⁹ “Manga pira tonna nal᷊iu i Ya'u nangonggollu manga parenta indi su uma-Ku, ‘I yamiu ṛinone mabbiakka su atatul᷊idda, paa'akkanna wuṛṛu masaṛṛionto'a su sansul᷊ungngu.

ZAKARIA 7:9 Referans Kwoze

MIKHA 6:8

Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

YEREMIA 7:5

Wal᷊ute ola'u pabbiaṛṛannu wuṛṛu pallal᷊agunu. Pa'ola'e atatul᷊idda sangkatou ringannu waine.

YOHANES 7:51

“Tumuṛṛuttu Tita, sangkatou tawe wotongnge iṛṛuumanna amungkangngu hattone taambe niaringiṛṛanna wuṛṛu pallal᷊agune niparikisanna.”

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.

MATIUS 23:23

Nasilakate i yamiu manga hurun agama wuṛṛu manga taumatan Farisi! I yamiu lilangkamal᷊e'a. Rampa-rampa ere selasi, adassa matemangnga, wuṛṛu jintan, nionggoli yamiu sambau wuassu mapul᷊o wageangnge su Ruata. Arawe apa apan nangillembo wua isudde sulal᷊ummu al᷊aṛṛa'u agama ere tul᷊adane: Atatul᷊idda, darangngu, wuṛṛu tatuṛṛutta tawe olaanni yamiu. Sumbal᷊i eteudde apan ṛinone olaanni yamiu, ringannu tawe manantangngu al᷊aṛṛa'a waine lai.

ZAKARIA 7:7

Eteudde apan niwal᷊on Mawu wuassu manga nabi sutempo nal᷊iu sutempo Yerusalem ta'e atatanaanna wuṛṛu tumanangnge su lal᷊umanna'a. Sutempo udde taumata wal᷊ine tumba'u uatana'a su manga ampungnga maranin soa arawe lai su wageangngu timukka wuṛṛu su wawal᷊annu manga wuidda su samba'an baṛṛetta.

AMOS 5:24

Mappianne, pattinsahadde tadea'u atatul᷊idda mangelekka ere ua'e, wuṛṛu apapia ere sal᷊ukka apan tawe umatti.

YEHEZKIEL 45:9

Mawu Apan Atanggaṛṛanne nabbisara, “Natimute manga rosanu, ei manga tembonannu Israel! Iloloa'e inolaanu apan walate apulunu mannansara tumana'u soa udde. Pammanarate ringannu mapia wuṛṛu matul᷊idda. Saran paassa ariete i yamiu mallimbuakka uma-U apia wuassu leta'i mangitou. Ia'i, Mawu Apan Atanggaṛṛanne mammarenta udde si'o.

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

IMAMATTA 19:15

I yamiu ṛinone matul᷊idda napawe makkuungnga; arie mangempen taumata asiangnga wuṛṛu mata'uttu taumata ala.

YOHANES 7:24

Arie mamarikissa taumata ana waugu pinangiananne apan aasiloanna, arawe ana waugu atatul᷊idda.”

TAHIUL᷊E 22:1

Amungkangngu sapi ara'e domba pussa'an sangkatou sambalahannu nial᷊iwune wuṛṛu i yamiu naasilo winatangnga udde, ariewe maielembaga, arawe apira'e winatangnga udde wuṛṛu welenga'e su tatahuanne.

2 SAMUEL 9:7

I Daud nabbisara, “Arie pa'ata'utta. I ya'u marangngu si'o ana waugu i Yonatan iamangngu. Anambon leta'i iupungngu i Saul, sarun ta'u iul᷊e si'o wuṛṛu saran mal᷊annu-l᷊annu i'o wotongnge umanna su wal᷊en araratuanna.”

AYUB 6:14

Sulal᷊ummu asasusa ereindi, ipaapulu'u hawe tutune. Tanne i ya'u sidutu ta'e satia ara'e naabul᷊iten Apan Lembontaṛṛino.

YEREMIA 22:3

“Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

YEHEZKIEL 18:8

I tou taambe saran paassa napawallassa ringannu pia bungane. I tou maddiri ma'ola'a al᷊al᷊eo wuṛṛu sulal᷊ummu suapan pattatiakka i tou makkawessa ringannu matul᷊idda.

ZAKARIA 7:8

Mawu Apan Lembontaṛṛino nangonggollu tanata indi si ya'u,

AYUB 31:20

i ya'u mannal᷊ihangnga si tou ringannu nasa wolla wuassu domba'u sassane, ne i tou sarun maddalo si ya'u ringannu ahewallu naungnga.

HOSEA 12:7

Ana waugu udde, ei i yamiu papapulunni Yakub, pangimante Ruatanu wuṛṛu pabbelengke ringanni Tou. Pabbiakke ringannu napenen darangngu wuṛṛu atatul᷊idda, wuṛṛu paṛṛaddote ringannu sabare ma'oman sara Ruatanu mammanara.