ZAKARIA 7:7 - WUKE SUSI WATTI'U AL᷊AL᷊USASSA

⁷ Eteudde apan niwal᷊on Mawu wuassu manga nabi sutempo nal᷊iu sutempo Yerusalem ta'e atatanaanna wuṛṛu tumanangnge su lal᷊umanna'a. Sutempo udde taumata wal᷊ine tumba'u uatana'a su manga ampungnga maranin soa arawe lai su wageangngu timukka wuṛṛu su wawal᷊annu manga wuidda su samba'an baṛṛetta.

ZAKARIA 7:7 Referans Kwoze

YEREMIA 17:26

Manga taumata sarun rumanta wuassu manga soan Yehuda, wuṛṛu wuassu manga ampungnga maranin Yerusalem; i mangitou sarun dumanta wuassu wageangngu leta'i Benyamin, wuassu leta'u wawal᷊annu wuidda, wuassu wageangngu penenteanna, wuṛṛu wuassu Yehuda samba'a timukka. I mangitou sarun mangapidda watukku Wal᷊e-U manga winatangnga sasamba, mawae itattambunna aroddi lai tawe, see lai sasamba gandumma wuṛṛu amania see sasamba aadiangkamanna.

YEREMIA 32:44

surattu pamamalline sarun teengannu, pia segelle, wuṛṛu tohasannu manga matatialane. Udde sarun mariaddi su wageangngu leta'i Benyamin, su manga ampungnga maranin Yerusalem, wuṛṛu su manga soan Yehuda, su manga soa su panenteanna, wuṛṛu su Yehuda samba'a timukka. Walahanna indi sarun Ta'u isul᷊e apia olangnge su wanua indi. I Ya'u, Mawu, buatte nabbisara.”

YEREMIA 7:23

I Ya'u tumba'u namarenta si mangitou tadea'u tuttuṛṛutta si Ya'u tadea'u i Ya'u maola'a Ruata mangitou, wuṛṛu i mangitou maola'a uma-U. I Ya'u nandolokki mangitou mabbisakka tumuṛṛuttu manga parenta-U tadea'u i mangitou su lal᷊ummanna'a.

YEREMIA 7:5

Wal᷊ute ola'u pabbiaṛṛannu wuṛṛu pallal᷊agunu. Pa'ola'e atatul᷊idda sangkatou ringannu waine.

YEREMIA 33:13

Su manga soa su wageangngu leta'u penenteanna, wawal᷊annu panenteanna, wageangngu Yehuda samba'a timukka, wuṛṛu wageangngu leta'i Benyamin see manga ampungnga maranin Yerusalem, wuṛṛu manga soan Yehuda, manga mallal᷊u'adda sarun manddeengnga apia manga domba mangitou. I Ya'u, Mawu, buatte nabbisara.”

YEREMIA 22:21

I Ya'u buatte nabbisara si'o sutempo olangngu mapia, arawe i yami maddiri maddaringikka. Atonna etearoddi pallal᷊agunu ro'en dorone naddatingngu orassa indi; taambe saran paassa iemiu tumuṛṛutta si Ya'u.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

TAHIUL᷊E 34:3

su wageangngu timukku Yehuda wuṛṛu su leta'a ratakke apan uawannada wuassu Zoar watukku Yerikho soa apan napenen alu kurma.

YEREMIA 13:19

Manga soan Yehuda su wageangngu timukka tantal᷊anna tatalliwunanna udde, wuṛṛu taweddu maal᷊assanga wuassu tatalliwunna. Anambon taumatan Yehuda buatte niapidda su pamamamuanganna.”

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

ZAKARIA 7:6

Wuṛṛu lai sutempo i mangitou u'anna ma'inumma, i mangitou maddea'a haussannu watanganni mangitou sassane.”

ZAKARIA 7:8

Mawu Apan Lembontaṛṛino nangonggollu tanata indi si ya'u,

ZAKARIA 7:12

I mangitou mangngattikku naungngi mangitou na'oman sara ere aattikku watu. I Ya'u tumaniten nasa'u ana waugu i mangitou tawe tumuṛṛutta manga al᷊aṛṛa'a apan buatte Ta'u nionggolla si mangitou wuassu manga nabi apan paarorone.