ZAKARIA 7:2 - WUKE SUSI WATTI'U AL᷊AL᷊USASSA

² Tumana'u Betel buatte nandolokki Serezer wuṛṛu i Regem-Melekh see manga mallal᷊aṛṛenggene inai watukku Wal᷊en Apan Leembontaṛṛino tadea'u maddorongnga al᷊aman-Ne.

ZAKARIA 7:2 Referans Kwoze

ZAKARIA 8:21

Tumana'a wuassu soa apan sambau mabbisara singana'a waine, “Wette i ite inaite massubba Mawu Apan Lembontaṛṛino wuṛṛu sumalande al᷊aman-Ne. Tantalongke si yami!”

YEREMIA 26:19

Arawe i Ratu Hizkia wuṛṛu taumatan Yehuda tawe namate si Mikha. I Hizkia ewe'e lai nata'uttu Mawu wuṛṛu naiakkanna. Ne Mawu tate nanakkuttu asasa'u-Ne ipanilaka si mangitou. Wuṛṛu orassa indi, eteaddio'a i ite mandantan asasilaka apan wahewalla su watanganni ite.”

1 MARARATU 13:6

Ana see Ratu Yerobeam nabbisara nabi udde, “Tul᷊unga'a al᷊iomana'a su Mawu Ruatanu huna'u. Paddarongkeaakkan-Ne tadea'u ta'ia'u mapia!” Ne nabi udde niumal᷊iomante su Mawu, ana see napiate ta'iakku ratu.

1 SAMUEL 13:12

Ana see ṛingi'u, aṛṛengenne tantaran Filistin ete tal᷊angkadio'a lai mamangalote si ya'u isindi su Gilgal, sumbal᷊i ya'u taambe sinumal᷊ande aakkanna su Mawu. Ana waugu udde ya'u nakkawessa mangonggollu sasamba udde.”

ZAKARIA 6:10

Wisara-Ne, “Anute sasamba apan nionggolli Heldai, i Tobia wuṛṛu i Yedaya, eteudde manga taumata apan wakkute nawelengnga wuassu pamamuanganna su Babel. Apire'e inawarendi sasamba mangitou udde su wal᷊en Yosia ana'i Zefanya.

YESAYA 60:7

Ambingnga domba wuassu Kedar niapidda ringannu domba mendangenna wuassu Nebayot nasaddiate su ipattaṛṛamawunu. Sasamba udde ma'al᷊uassa naungngu Mawu i Tou nalloggakka Wal᷊en-Ne apan napenen awawantuga.

EZRA 6:10

Amata'e sarangkanambone udde tadea'u i mangitou wotongnge mangonggollu sasamba apan maal᷊uassa naungngu Ruata uataṛṛino su surga, wuṛṛu tadea'u i mangitou sumal᷊ande al᷊amatta apan hunane si ya'u wuṛṛu su manga ana'u.

SASABANGNGA 32:11

I Musa sinumal᷊ande Ruatane, wisarane, “Mawu, anio I'o ṛinone ma'ola'a aroddi si mangitou? Wal᷊inewe I'o buatte nanal᷊amatta si mangitou wuassu Mesir ringannu taṛṛino wuṛṛu atatohassa apan bahewalla?