ZAKARIA 7:11 - WUKE SUSI WATTI'U AL᷊AL᷊USASSA

¹¹ Arawe uma-U puane maattikka wuṛṛu mangke maddiri maddaringikka; i mangitou mannapingnga tal᷊inga mangitou ana see tawe maaringikka.

ZAKARIA 7:11 Referans Kwoze

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

HOSEA 4:16

I yamiu, ei taumatan Israel, tumaniten tawe maddaringikka! Ereapa wotongnge i Ya'u mallu'adda si yamiu ere domba su wadda'u nannal᷊o?”

YEREMIA 8:5

Arawe anio i yamiu, uma-U, sidutu sussempalla wuṛṛu mannantang-Ku? I yamiu uaagassa matohassa su manga paal᷊uannu, wuṛṛu maddiri mabbelengnga ringang-Ku!

WATTI'U MANGA RASUL 7:57

Manga ammul᷊annu mallaṛṛuungnga udde nanapingnga tal᷊inga mangitou lapiddu inumui, see sangkaṛṛindo'a naṛṛimpulunna si Stefanus.

ZAKARIA 1:4

Ariewe ere iupungngu al᷊amonanu. Sutempon dorone manga nabi mammasingkattu tanata-U si mangitou tadea'u i mangitou tate lai ma'ola'a al᷊al᷊eo wuṛṛu ma'ola'a rosa. Arawe i mangitou tawe maddaringikka wuṛṛu maddiri tumuṛṛutta si Ya'u.

YEHEZKIEL 3:7

Arawe walahannu Israel maddiri maddaringikka si'o, ewe'e i Ya'u lai tawe pandumanni mangitou. I mangitou sarangkanambone puane maatikka wuṛṛu apulune lullawangnga.

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

ZEFANYA 3:2

Nasilakate soa apan maddiri manengkamma pananaungnga wuassu Mawu, wuṛṛu tawe lai maddaringikka manga tataggu-Ne, apan tawe manantillu ola'u pabbiaṛṛanne su Mawu, wuṛṛu tawe maiontolla si Tou!

DANIEL 9:5

I yami narosate, i yami buatte na'ola'a alaleo, wuṛṛu na'ola'a pasasal᷊a. I yami buatte namangalo wuṛṛu nilumawangnga parenta-Nu see sinumewadda wuassu manga atoran-Nu.

YEREMIA 44:16

“I yami maddiri maddaringikka apa apan iwabbisaranu si yami ringannu arannu Mawu.

YEREMIA 36:31

I'o, papapulunnu, wuṛṛu manga tembonannu sarun Ta'u iṛṛuumanna ana waugu manga rosa apan niola'i yamiu. I Ya'u sarun mandanta si yamiu asasilaka apan Ta'u maria'a yamiu, ana waugu mawae i'o aroddi lai tumana'u Yerusalem tawe manutukka manga wawansa-U.”

YEREMIA 17:23

Arawe al᷊amonanu maddiri maddaringikka ara'e mappandumma manga wisara-U. Naungngi mangitou maattikka, wuṛṛu maddiri tumuṛṛutta wuṛṛu tagguanna.

YEREMIA 13:10

Walahanna apan dal᷊eo indi tumaniten maattikka wuṛṛu maddiri tumuṛṛutta si Ya'u. I mangitou mattaṛṛamawu wuṛṛu massubba manga mawu waine. Ana waugu udde i mangitou sarun maola'a ere nasa maautta apan tate gunane udde.

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.

YESAYA 6:10

Ana see i Tou nabbisarate si ya'u, “Paal᷊umua'a ṛingirannu manga taumata udde, paawengel᷊a'a tal᷊ingane wuṛṛu paawuta'a matane, tadea i mangitou tawe maasilo, maddaringikka ara'e maasunna, ana see mabbelengnga ringang-Ku wuṛṛu maola'e mapia.”

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

NEHEMIA 9:17

I mangitou tawe tumuṛṛutta, al᷊awo'u apapia-Nu tinimbul᷊iannana, wuṛṛu anambon inolaan-Nu apan maatiangnga nawul᷊i wuassu naungnga. Ringannu mawunga i mangitou namile sangkatou piaṛṛangnge, ipangapiddi mangitou watukku Mesir, mabbelengnga maola'a allangnga. Arawe I'o Ruata apan apulune mangngampungnga, masabbare, masaṛṛionto'a wuṛṛu napenen darangngu. Darangngu-Nu atonna tawe pattaal᷊anne; I'o tawe nanantangngi mangitou.

2 TAWARIKH 33:10

Mawu nanaggu si Manasye wuṛṛu tumanangnge, arawe i mangitou maddiri maddaringikka.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

MATIUS 13:15

Ana waugu ṛingiṛṛannu taumata indi nal᷊umute tal᷊inga mangitou nabbengelle wuṛṛu mata mangitou tawe maasilo. Indi mariaddi tadea'u mata mangitou tawe maasilo tal᷊inga mangitou tawe maaringikka, ṛingiṛṛanni mangitou tawe maasunna wuṛṛu arie mabelengnga ringang-Ku, see i Ya'u mapaapia mangitou.’ ”

YESAYA 46:12

Paddaringikke si Ya'u, ei manga taumata mawunga, i yamiu apan massunna manungku auntunganna ta'e marau.

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YEREMIA 5:21

“Paddaringikka, ei i yamiu taumata woddo wuṛṛu longonna! I yamiu pia mata arawe tawe maasilo, pia tal᷊inga arawe tawe maaringikka!

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 42:21

Orassa indi i ya'u buatte namasingkattu tanata Mawu Ruatang kite si yamiu, arawe i yamiu maddiri tumuṛṛutta tanata udde.

YEHEZKIEL 5:6

Arawe Yerusalem buatte nanol᷊a'u parenta-U wuṛṛu inauranna maddal᷊eoanna wuassu manga araratuanna apan uapal᷊iwutta si tou. Yerusalem nilumawangnga manga parenta-U wuṛṛu maddiri tumuṛṛutta manga tita-U.”

YESAYA 28:12

Mawu nangonggollu tampa pangillol᷊oanna si yamiu sarangkanambone, arawe i yamiu maddiri maddaringikka si Tou.

YESAYA 65:12

I yamiu sarangkanambone sarun mate maola'a sol᷊eng karaṛṛagissa. Ana waugu, sutempo i Ya'u mammaggo, i yamiu tawe sumimbakka, wuṛṛu sutempo i Ya'u mabbisara, i yamiu maddiri maddaringikka. I yamiu mappianne lumawangnga si Ya'u wuṛṛu ma'ola'a al᷊al᷊eo.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEHEZKIEL 14:5

Anambon paal᷊uanna udde buatte napaaraun uma-Ku wua dingang-Ku, arawe antimanna ringannu sasimba-Ku udde uma-U sarun mabbelengnga ringang-Ku.’