ZAKARIA 6:14 - WUKE SUSI WATTI'U AL᷊AL᷊USASSA

¹⁴ Mahkota udde sahipunanna su Wal᷊e-U tadea'u ipannaungnga si Heldai, si Tobia, wuṛṛu si Yosia.

ZAKARIA 6:14 Referans Kwoze

MARKUS 14:9

Pangimante! Su ahewallu runia, su tampa Watti'u Al᷊al᷊uassa wuassu Ruata iapasingkatta, inolaannu wawine indi sarun iwatti'a lai, maola'a sambau pananaunganna si tou.”

MATIUS 26:13

Pangimante! su ahewallu runia, suapan tampa Watti'u Al᷊al᷊uassa wuassu Ruata iapasingkatta, inolaannu bawine indi sarun iwatti'a lai maola'a pananaunganna si tou.”

SASABANGNGA 12:14

Allo udde ṛinone maola'a pananaunganni yamiu maola'a allo wahewa su Mawu. Su sarangkal᷊o'engnge allo udde ṛinone ilallaghun kamiu suapan tonna.”

WATTI'U MANGA RASUL 10:4

I Kornelius nanutuda mala'ekatta udde ringannu atata'utta see nabbisara, “Pia apa Mawu?” Mala'ekatta udde sinumimbakka, “Aal᷊iomannu wuṛṛu asasaṛṛionto'u naungngu sinengkampen Ruata wuṛṛu Ruata mannaungnga si'o.

ZAKARIA 6:10

Wisara-Ne, “Anute sasamba apan nionggolli Heldai, i Tobia wuṛṛu i Yedaya, eteudde manga taumata apan wakkute nawelengnga wuassu pamamuanganna su Babel. Apire'e inawarendi sasamba mangitou udde su wal᷊en Yosia ana'i Zefanya.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.

YOSUA 4:7

ṛinone i yamiu mamasingkatta si mangitou ua'en Sal᷊ukku Yordan natta'ala su tempo Wantalu Pa'aire Mawu niapidda tinumumbe sal᷊ukka udde. Manga watu sarun sidutu mapaanaungngu walahannu Israel al᷊awo'a apan nariaddi isindi.”

REENGANNA 31:54

Ne i Musa wuṛṛu i Imam Eleazar nangapiddu wul᷊awanna udde watukku Rasannu Mawu tadea'u Mawu mallu'adda walahannu Israel.

REENGANNA 16:40

Udde maola'a sambau pananaunganna su walahannu Israel manungku wal᷊ine wuassi Harun, tawe saran sangkatou apan botongnge rumanta watukku mezbah manutungnga amania hunan Mawu. Taumata apan nilumawangnga atoranna udde sarun pateanna ere i Korah wuṛṛu manga mallal᷊aṛṛenggene. Sarangkanambone udde olaanna ere nirolokku Mawu si Eleazar apan nitanata si Musa.

SASABANGNGA 28:29

Su tempo i Harun sinumutta watukku tampa susi, i tou ṛinone mangapiddu manga arannu ṛuangannu Israel apan ni'uitta su lal᷊indummu roone, tadea'u i Ya'u Mawu, sidutu uanaungnga al᷊aṛṛana-U.

2 MARARATU 25:18

Waine lai wua'udde, i Nebuzaradan nanametta lai Imam Bahewa i Seraya, Sefanya imam masasumbalane, siri tallu mandariaga ngaran Wal᷊en Mawu, siri lima mananantiro ratu apan ta'e su soa, panglima ara'e tembonannu tantara, tepellu tembonannu tantara apan mammoṛṛettu arannu tantara, wuṛṛu 60 taumata tembonanne waine.

ZAKARIA 6:11

Wuassu wul᷊awanna wuṛṛu sal᷊a'a aonggolli mangitou udde, pa'ola'e sambau mahkota wuṛṛu luṛṛea'e su pua Imam Bahewa Yosua ana'i Yozadak.