ZAKARIA 3:7 - WUKE SUSI WATTI'U AL᷊AL᷊USASSA

⁷ “Amungkangngu i'o tumuṛṛutta manga tita-U wuṛṛu mappaamattu manga manara apan Ta'u nionggolla si'o, ne sarangkal᷊o'engnge i'o wotongnge mabbali piaṛṛa'a sulal᷊ummu Wal᷊e-U wuṛṛu mammaresi rallakke. I Ya'u sarun maddaringikka manga aal᷊iomannu, ere lai i Ya'u maddaringikka aal᷊iomannu mala'ekatta apan uatana'u marani-Ku.

ZAKARIA 3:7 Referans Kwoze

PANDARIADDI 26:5

I Ya'u sarun mangal᷊amatta si yamiu, ana waugu i Abraham buatte naddaringikka si Ya'u wuṛṛu uapadul᷊i al᷊awo'u tita wuṛṛu parenta-U.”

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

IMAMATTA 8:35

Al᷊annune pitu allo, allo wuṛṛu ṛabbi, yamiu ṛinone uatana'a su saruannu ngaran Dasanna mapaamattu sarangkanambone apan irolokku Mawu. Amungkangngu i yamiu maddiri tumuṛṛutta, i yamiu sarun mate. Eteudde apan nirolokku Mawu si ya'u.”

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

YOHANES 14:2

Su wal᷊en Iamang-Ku manambo tampa atatanaanna. I Ya'u inai watukku tampa udde manaddia tampang kamiu. I Ya'u tawe mabbisara aroddi si yamiu amungkangngu udde tawe mariaddi.

LUKAS 22:30

Ringannu aroddi yamiu wotongnge lumuassa ringang-Ku su tempo i Ya'u maola'a Ratu. Wuṛṛu i yamiu sarun uma'ianna su atanggaṛṛanne su mapul᷊o dua adderan araratuanna wuṛṛu mamarenta mapul᷊o dua walahannu taumatan Israel.”

ZAKARIA 6:5

I tou sinumimbakka, “I mangitou inai umamatta watukku appatta lal᷊anna napawe buatte sinumaruanna Mawu ul᷊ilim pati'uppa.

ZAKARIA 4:14

Ne i tou sinumimbakka, “Udde eteudde darua taumata apan buatte nipilen Mawu ul᷊ilin pati'uppa wuṛṛu nipile tadea'u mangimbe si Tou.”

YEHEZKIEL 48:11

Wageangngu leta'a apan niṛṛae udde sarun maola'a pussa'a manga imam papapulunni Zadok. I mangitou buatte nangimbe Mawu ringannu satia wuṛṛu tawe ere taumatan Lewi apan sanṛuanganni mangitou, apan na'ola'a rosa lai suadio'a ringannu manga taumatan Israel waine.

1 TAWARIKH 23:32

I mangitou lai nionggol᷊annu manara iapal᷊u'adda Rasannu Mawu wuṛṛu aiapasumbala manga tuṛṛangngi mangitou, eteudde manga imam papapulunni Harun, sulal᷊ummu mappaamattu pattataṛṛamawu sutampa udde.

1 MARARATU 2:3

Pammanarate apa apan niparentan Mawu Ruatanu si'o. Paatuṛṛutte su anambon manga tita wuṛṛu manga parenta-Ne apan uawoṛṛetta sulal᷊ummu Wuke Musa, tadea'u watukkuapa i'o inai i'o sarun mahessi sulal᷊umu al᷊awo'u manaranu.

YEHEZKIEL 44:8

Wal᷊inewe i mangitou sassane apan na'ola'a manga lal᷊aghu na'ukkassa sulal᷊ummu Wal᷊e-U, ewe'e manga taumata raho apan nirolokki mangitou iapamanara.

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

1 MARARATU 3:14

Wuṛṛu amungkangngu i'o, mangaṛṛussa iamangngu Daud, matuṛṛutta si Ya'u see mappaamattu manga tita'-U, i Ya'u sarun mangonggolla si'o uukka mal᷊o'engnga.”

YESAYA 62:9

Arawe i yamiu apan mangngammullu pangitinganna, sarun umanna wuane wuṛṛu maddalo Mawu; wuṛṛu i yamiu apan manni'o wuan anggore, sarun ma'inumma ua'ene su rallakku Wal᷊e-U.”

ZAKARIA 3:6

Wua'udde mala'ekatta udde namasingkattu wisara Mawu si Yosua,

ZAKARIA 6:15

Manga taumata sarun dumanta wuassu tampa apan marau wuṛṛu mantul᷊ungnga mapararisikku Wal᷊e-U. Napawe wal᷊en udde nasuete, i mangitou sarun maasingkatta manungku i Ya'u Mawu Apan Lembontaṛṛino nandolokku ringanni mangitou. Sarangkanambone udde sarun mariaddi amungkangngu i mangitou atonna-tonna tuttuṛṛutta manga parenta-U, Mawu Ruata Mangitou.”