ZAKARIA 3:4 - WUKE SUSI WATTI'U AL᷊AL᷊USASSA

⁴ Ne mala'ekatta udde nabbisarate su manga mangangimbe su surga, “Rammea'e laubba nallal᷊uhuranna apan ual᷊uṛṛe su taumata indi.” Wuṛṛu si Yosua i tou nabbisara, “Rosanu buatte ta'u niramme, i'o ta'u onggol᷊annu laubba wakku.”

ZAKARIA 3:4 Referans Kwoze

LUKAS 15:22

Arawe iamangnge namago manga mangangimbene wuṛṛu nabbisara, ‘Paal᷊ihakka! Panganu laubba apianne, wuṛṛu luṛṛea'e si tou. Luṛṛea'a lai sinsingnga su tal᷊imadone, wuṛṛu sapatu su leddane.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

ZAKARIA 3:7

“Amungkangngu i'o tumuṛṛutta manga tita-U wuṛṛu mappaamattu manga manara apan Ta'u nionggolla si'o, ne sarangkal᷊o'engnge i'o wotongnge mabbali piaṛṛa'a sulal᷊ummu Wal᷊e-U wuṛṛu mammaresi rallakke. I Ya'u sarun maddaringikka manga aal᷊iomannu, ere lai i Ya'u maddaringikka aal᷊iomannu mala'ekatta apan uatana'u marani-Ku.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

IBRANI 8:12

I Ya'u sarun mangampunga manga pasasal᷊a mangitou, wuṛṛu tate lai mannaungnga manga rosa mangitou.”

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

ZAKARIA 3:9

Ta'u niaddo su saruanni Yosua sambau watu uataṛṛawu'u pitu apan sarun Ta'u uitanna ringannu manga woṛṛeta. Sulal᷊ummu allo massallo sarun Ta'u iramme rosa wuassu wanua indi.

DARALO 51:9

Ukkasawe i ta'u, ne i ya'u sarun mawaresi; ukkasawe i ya'u, ne i ya'u sarun mabbiranne wuassu sangarenna.

KOLOSE 3:10

I yamiu orassa indi suete nionggol᷊annu wiakka wakku. I yamiu taumatate wakku, apan sidutu lallimbakuannu mandiriaddine eteudde Ruata, tumuṛṛuttu pahudde sassane. Pandumanne eteudde tadea'u i yamiu maaillal᷊a Ruata ringannu mapia-pia.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 3:22

manungku Ruata ta'e mangngonggolu tempone su taumata maaukka ringanni Tou, tumba'u amungkangngu taumata mangngimanna Mawu Yesus Kristus. Ruata na'ola'a indi hunane su anambon taumata apan mangngimanna si Kristus, ana waugu tawe paṛṛalanne:

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

ZAKARIA 3:1

Sulal᷊ummu sondappa apan baine lai, Mawu namasilo si ya'u Imam Bahewa Yosua tantal᷊anna uarisikka su saruannu mala'ekattu Mawu. Su sandiṛṛanni Yosua, uarisikka Setanna apan nariahite mangansilla si tou.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

1 MARARATU 22:19

I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

SONDAPPA 5:11

Wua'udde i ya'u naasilo lai. I ya'u naaringikka tingikku mala'ekatta su ṛiwune wuṛṛu su jutane anambone. I mangitou uarisikka uapal᷊iwutta adderan araratuanna wuṛṛu sire appata riadianna see manga piaṛṛange udde,

MATIUS 22:11

Wua'udde ratu sinumuttate ma'ellega manga raho. I tou naasilo pia sangkatou su andeangnga udde apan tawe ual᷊uṛṛen laubbu andeangnga.

YEHEZKIEL 42:14

Amungkangngu manga imam buatte nammanara su Wal᷊e Mawu, wuṛṛu mappulu inai su rallakka su liudde, ne laubba tumba'u ipammanara sutempo na'ola'a patataṛṛamawu, ṛinone itantangngi mangitou su manga wabbo'a udde. I mangitou ṛinone malluṛṛen laubba waine, napawe wua'udde i mangitou wotongngete inai su tampa tumana'u soa uaammulla.”

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YEREMIA 52:33

I tou niwala mangganti laubbu tuttupanne wuṛṛu su al᷊o'engngu pabbiaṛṛanne i tou wotongnge u'anna su wal᷊en araratuanna, wuṛṛu allo-allo a'onggol᷊annu roitta ipaddea'a hausannu wiakke.