ZAKARIA 2:4 - WUKE SUSI WATTI'U AL᷊AL᷊USASSA

⁴ Mala'ekatta paarorone nabbisara su mala'ekatta aruane, “Roote paal᷊ihakka ringannu umbasanna udde, wuṛṛu wal᷊oa'a si tou manungku Yerusalem sarun masaddattu taumata wuṛṛu winatangnga papadul᷊iananna na'oman sara tawe mariaddi olaanna darandungnga ipamaliwutta.

ZAKARIA 2:4 Referans Kwoze

ZAKARIA 1:17

Mala'ekatta udde nandolo'u mamasingkattu tanata indi lai, “Mawu Apan Lembontaṛṛino naddiandi manungku manga soa-Ne sarun mabbal᷊i su lal᷊umanna'a apia wuṛṛu manungku paasa lai i Tou sarun mantul᷊ungngu Yerusalem wuṛṛu manga'u maola'a pussa'a-Ne sassane.”

MIKHA 7:11

Ei Yerusalem! Nia'omante tempone i yamiu mabbangunna apia manga darandungngu soanu. Su allo udde wageangngu letangngu sarun atambanna ahewalle.

YEHEZKIEL 38:11

I'o nakkawessa inai mamangalo wanua apan tawe tanda batune udde, suapa tumanangnge mabbiakka ringannu matammuda wuṛṛu mal᷊angnganna su manga soa apan tawe darandungnge wuṛṛu tawe ahiddu pangalo.

YEREMIA 33:22

I Ya'u sarun manimu papapulunni allang-Ku Daud wuṛṛu manga imam su ṛuanganni Lewi, ma'oman sara anambone maola'a ere anambon anne su winggin sahatta wuṛṛu anumpitanna su langitta apan tawe iareengnga.”

ZAKARIA 12:6

Su allo udde manga amonannu Yehuda sarun Ta'u olaanna ere putungnga sulal᷊ummu anambon anutungnga ara'e sasol᷊oanna lukkenggamma su al᷊ungngu wal᷊a'an ganduma; i mangitou sarun mamate manga walahanna su al᷊indonganne. Arawe tumana'u Yerusalem sarun sidutu uatana'a sulal᷊ummu soa ringannu matammudda.

YEREMIA 31:27

I Ya'u, Mawu, mabbisara manungku sarun a'omanna tempone wanua Israel wuṛṛu Yehuda Ta'u peneannu taumata wuṛṛu winatangnga.

YESAYA 49:20

Manga al᷊aṛṛana'a apan niasungkanga su leta'a waine sarun mabbisara si'o, ‘Wanua indi tumanite maṛṛipusi'a si ya'u, onggol᷊eten tampa tadea'u ia'i wotongnge mamanua isindi.’

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

YEREMIA 31:24

Taumata sarun matana'a su Yehuda wuṛṛu su manga ampungnge. Poiaroddi sarun pia mabbawailla wuṛṛu mamamadul᷊i winatangnga sapi wuṛṛu dombane.

YESAYA 33:20

Pa'ellege soan Sion, tampan kite mallaghu manga andeangngu agama. Pa'ellege Yerusalem! Al᷊angngannawe eteapa tampa udde atanaanna, naal᷊ihidda rasanna apan tawe saran paassa niingkatta, pati'anna tawe saran paassa nisawutta wuṛṛu tal᷊ine tawe saran paassa nabbassutta.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

YEREMIA 1:6

I ya'u sinumimbakka, “Ore Mawu Apan Atanggaṛṛanne, i ya'u ta'e wagga mabbisara ana waugu i ya'u ta'e dario'a.”

ESTER 9:19

Ana waugu udde taumatan Yahudi apan uatana'a su manga soa maraddio'a mannaungnga allo appul᷊one appatta wul᷊anna Adar maola'a allon lal᷊ala'a, allo al᷊al᷊uassa lapiddu i mangitou uaa'onggollu hadiah erenai anna.

DANIEL 1:4

I mangitou ṛinone manga umbasanna apan tawe sangkulle. I mangitou ṛinone maṛṛamaga, matanggakka si'ol᷊ane, pande wuṛṛu assingkanne manambo see lai wotongnge mammanara sulal᷊ummu wal᷊en araratuanna. Aspenas ṛinone manantiro si mangitou mabbasa wuṛṛu mamoṛṛettu sinaukku Babel.

ZAKARIA 1:16

Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

YESAYA 54:16

Ete i Ya'u apan na'ola'a mananassalla apan mangngalabba putungnga ipanassalla lutangnga. Ete i Ya'u lai apan na'ola'a tantara apan mappa'attu lutangnga udde ipamate.

ZAKARIA 14:12

Mawu sarun mandantan al᷊aṛṛusa'itta apan maata'utta su anambon balahanna apan buatte napapangalo nando'appa Yerusalem. Mata wuṛṛu lila mangitou, ewe'e lai ahewallu watanganni mangitou sarun mawukku'a tantal᷊anna i mangitou ta'e wiakka.