ZAKARIA 2:12 - WUKE SUSI WATTI'U AL᷊AL᷊USASSA

¹² Paassa lai Yehuda sarun maola'a pussa'a Mawu apan apianne su letang-Ne apan susi, wuṛṛu Yerusalem sarun maola'a soa apan lembon arangnguan-Ne.

ZAKARIA 2:12 Referans Kwoze

ZAKARIA 1:17

Mala'ekatta udde nandolo'u mamasingkattu tanata indi lai, “Mawu Apan Lembontaṛṛino naddiandi manungku manga soa-Ne sarun mabbal᷊i su lal᷊umanna'a apia wuṛṛu manungku paasa lai i Tou sarun mantul᷊ungngu Yerusalem wuṛṛu manga'u maola'a pussa'a-Ne sassane.”

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

DARALO 33:12

Lal᷊umanna'a walahanna apan mangnga'u Mawu udde Ruatane, lal᷊umanna'a su taumata apan nipile-Ne maola'a pussaa-Ne!

YEREMIA 51:19

Ruatan Yakub tawe ere manga paal᷊uanna udde; i Tou nandiaddi al᷊awo'u saranapa. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YESAYA 41:9

I'o buatte Ta'u nial᷊appa wuassu manga pentakku runia, Ta'u niwaggoanna wuassu manga tampa apan arauanne. Wisara-Nu, ‘I'o allang-Ku; i Ya'u tawe manol᷊a'u taumata nipile-U.’

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

DARALO 82:8

Rantate oh Ruata, ṛuungete runia, ana waugu anambon walahanna pussa'a-Nu.

DARALO 132:13

Ana waugu Mawu buatte namile Sion; i Tou mappulu maola'a tampa atatanaan-Ne.

DARALO 132:14

Wisara-Ne, “Ete isindi atatanaang-Ku saran mal᷊annu-l᷊annu, i Ya'u maapulu mamarenta sutampa indi.

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

ZAKARIA 3:2

Mala'ekattu Mawu nabbisara su Setanna, “Antimanna Mawu makkuumannu ei Setanna! Antimanna Mawu apan marangngu Yerusalem makkuumannu. Taumata indi naal᷊ihidda anutungnga apan niabutta wuassu ṛenggammu putungnga.”

TAHIUL᷊E 32:10

I Tou naaratingnga si mangitou tantal᷊anna lullalele su tampa apan mal᷊annaba su wadda'a mal᷊alangnga. Ana see i Tou nallu'adda wuṛṛu nappadul᷊i si mangitou wuṛṛu nandiaga si mangitou naal᷊ihidda pussaa-Ne.

ESTER 6:13

Su awingnge wuṛṛu manga hawene i tou nabbatti'a apa apan buatte niapendamanne. Wua'udde awingnge wuṛṛu manga hawene apan pande udde nabbisara si tou, “I'o mannattakke iawaddon Mordekhai. I tou taumatan Yahudi wuṛṛu i'o tawe maaro'appa si tou. I tou atonna sarun mamaddonu.”

DARALO 105:15

“Imbaṛṛangnga manal᷊awa'u manga taumata nipile-U, imbaṛṛangnga ma'ola'a al᷊al᷊eo su manga nabi-U!”

YESAYA 17:14

Sutempo wawallo i mangitou mandantan atata'utta apan masaddatta, arawe napawe marua allote i mangitou nawul᷊ite. Eteudde pal᷊addu taumata apan maṛṛampassa si ite.

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.