ZAKARIA 14:8 - WUKE SUSI WATTI'U AL᷊AL᷊USASSA

⁸ Su allo udde, ua'e wakku sarun mangelekka wuassu Yerusalem; sambageanganna wuassu ua'e udde mangelekka watukku Tahal᷊oangnga Nate wuṛṛu sambageanganna lai watukku Tahal᷊oangnga Tangngane. Ua'e udde sarun mangelekka su al᷊o'engngu tonna, mawae sutempon uranna aroddi lai sutempon paddissa.

ZAKARIA 14:8 Referans Kwoze

YOHANES 7:38

Su ola'u taumata apan mangngimanna si Ya'u, uawoṛṛetta sulal᷊ummu Wuke Susi, ‘Wuassu lal᷊ummu naungnge mangngelekka manga aeleṛṛannu ua'e apan mangngonggolu wiakka.’ ” (

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

YOEL 2:20

Ammul᷊annu saṛṛappalanna wuassu sawannakka sarun Ta'u limbuaṛṛanna, sambageanganna Ta'u ul᷊uhanna watukku wadda'u anne. Watukku Tahal᷊oangnga Nate Ta'u itol᷊a'a warisanna su monane, watukku Tahal᷊oangnga Tangngane Ta'u limbuaṛṛanna warisana su liudde. Manga winal᷊unanne sarun mahal᷊uru. I mangitou Ta'u pateanna ana waugu buatte nanansara si yamiu.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

YESAYA 35:7

Anne mal᷊oso sarun mabbal᷊i rano, leta'a maṛṛasa mabbal᷊i al᷊imatan kua'e. Tampa apan paarorone wawanuannu asun ahuranganna, sarun tuwoannu pandanna.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

ANTARI MAWANTUGA 4:15

Al᷊imatan kua'e su wawail᷊angku mappasabbangngu ua'en pabbiaṛṛanna apan mangngelekka wuassu Libanon!

MIKHA 4:2

I mangitou sarangkanambone sarun mabbisara, “Wette i ite umawitte watukku wuiddu Mawu watukku Wal᷊en Duatan Israel! I Tou sarun manantiro si ite apa apan ṛinone olaani ite. I ite sarun tumantalongnga lal᷊an-Ne ana waugu al᷊aṛṛa'u Mawu nirumanta wuassu Yerusalem; wuassu Sion i Tou nabbisara su uman-Ne.”

ZAKARIA 14:4

Su allo udde i tou sarun dumarisikka su Wuiddu Zaitun, su samba'an ra'in Yerusalem. Ne Wuiddu Zaitun sarun pesangannu wawal᷊anne apan mal᷊alangnga, matanattakka wuassu ra'i maddatingngu waṛṛatta. Sambageanganna wuassu wuidda udde sarun umal᷊ore watukku sawannakka, wuṛṛu sambageanganna lai watukku timukka.

YOHANES 5:4

Ana waugu wiasane mala'ekattu Mawu sussossokka su li'u udde wuṛṛu mangngio'u ua'ene. Wuṛṛu taumata marada'a apan paarorone umurumma sulal᷊ummu li'u udde su tempo ua'e rudal᷊ua'a, sarun mapia wuassu radangnge.]