ZAKARIA 14:6 - WUKE SUSI WATTI'U AL᷊AL᷊USASSA

⁶ Napawe allo udde nirumantate, tate lai tempon masunge ara'e lai eisse.

ZAKARIA 14:6 Referans Kwoze

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

DARALO 112:4

Semakka lukkena sulal᷊ummu ararandumma su taumata mapia, su taumata apan matul᷊idda, marangngu wuṛṛu maakkanna.

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

YOHANES 1:5

Semakka udde lullansiangnga sulal᷊ummu ararandumma, wuṛṛu ararandumma tawe maapadumma si Tou.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

YEREMIA 4:23

Watukku runia mata'u pina'ellega, ellehanna ereola'u tawe loṛṛone wuṛṛu mamara, watukku langitta i ya'u maningngara, uare, taweddu apan masemakka.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 13:10

Suapan anumpitanna wuṛṛu ammul᷊annu anumpitanna sarun umaddo manemakka; matannallo sarun maddandumma sutempo i tou sumabbangnga, wuṛṛu wul᷊anna sarun tate semakke lai.

WATTI'U MANGA RASUL 2:16

Arawe indi suete niapa'asingkattu Ruata si Nabi Yoël:

WATTI'U MANGA RASUL 2:19

I Ya'u sarun ma'ola'a manga al᷊aṛṛindu'a roso su langitta, wuṛṛu inolaanna apan wahewalla su runia; sarun pia ṛaṛṛa wuṛṛu putungnga, sawudda wuṛṛu timbulla.

YESAYA 24:23

Wul᷊anna sarun mabbal᷊i marandumma wuṛṛu matannallo tate lai semakke, ana waugu Mawu Apan Lembontaṛṛino sarun mamarenta maola'a sangkatou ratu. I Tou sarun mamarenta su Yerusalem, su Wuiddu Sion, wuṛṛu mapal᷊iatta'u awawantu-Ge su manga piaṛṛa'u uman-Ne.

YEHEZKIEL 32:7

Sutempo i Ya'u mamate si'o, langitta sarun Ta'u oosanna wuṛṛu manga anumpitanna Ta'u paddumanna. Matannallo sarun Ta'u iwuni sulal᷊ummu winabbawa wuṛṛu wul᷊anna tate semakke.

YEHEZKIEL 32:8

Atonna, al᷊awo'u semakka su langitta sarun Ta'u paddumanna, wuṛṛu runia Ta'u olaanna wasa tuudda. I Ya'u, Mawu Apan Atanggaṛṛanne buatte nabbisara.

YOEL 2:30

Su langitta wuṛṛu su runia sarun Ta'u olaanna manambo al᷊aṛṛindu'a. Sarun pia papaturon daṛṛa, renggammu putungnga wuṛṛu sal᷊oin timbulla.

YOEL 2:31

Matannallo sarun mabbal᷊i marandumma wuṛṛu wul᷊anna mabbal᷊i maṛṛamu ere daṛṛa. Sarangkanambone udde sarun mariaddi tantal᷊anna Allon Mawu taambe nia'omanna, allo apan wahewalla wuṛṛu maata'utta!

YOEL 2:2

Allo udde marandumma wuṛṛu wasa, napenen ṛawu'a apan mal᷊abbukka. Tantaran saṛṛappalanna mangke pasi ranta naal᷊ihidda winabbawa apan namare su puiddu panenteanna. Araradiana ereudde taambe saran paassa pia, wuṛṛu tawe masul᷊e apia saran mal᷊annu-l᷊annu.