ZAKARIA 14:5 - WUKE SUSI WATTI'U AL᷊AL᷊USASSA

⁵ I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

ZAKARIA 14:5 Referans Kwoze

AMOS 1:1

Amos uddewe sangkatou mallal᷊u'adda domba wuassu soa Tekoa. I tou naola'a nabi sutempo wanua Yehuda paprentanni Ratu Uzia, wuṛṛu Israel paparentanni Ratu Yerobeam, ana'i Yoas. Darua su tonnane tantal᷊anna taambe nariaddi linukka, Ruata namasingkatta si Amos manga inolaanna su ola'u Israel.

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

YESAYA 29:6

Mawu Apan Lembontaṛṛino sarun mamallossu soa udde ringannu anginna ma'ikkatta wuṛṛu linukka apan masaddata. I Tou sarun mandatan anginna al᷊isusu wuṛṛu putungnga apan mangngepodda.

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

DARALO 96:13

Ana waugu Mawu rumanta mamarenta su runia, i Tou sarun makkuungngu manga walahanna ringannu atatul᷊idda tawe mangempe.

TAHIUL᷊E 33:2

“Mawu nirumanta wuassu Wowon Sinai; i Tou nilumapputa su Edom naal᷊ihidda matannallo wuṛṛu wuassu Wowon Paran i Tou mannemakka al᷊aṛṛanang-Nge. I Tou raṛundinganannu mapul᷊o ṛiwu mala'ekatta; putungnga lukkenggamma su samba uanan-Ne.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

YAKOBUS 5:8

Ṛinone i yamiu lai masabbare wuṛṛu pia naungnga wahewalla, ana waugu allon darantan Mawu maranite.

LUKAS 21:27

Su tempo udde Ana'u Taumata sarun rumanta sulal᷊ummu winabbawa ringannu taṛṛinone wuṛṛu awawantuga apan bahewa.

MATIUS 24:3

Wua'udde Mawu Yesus inaite watukku Wuiddu Zaitun, wuṛṛu tantal᷊anna i Tou ua'ianna, mallal᷊aṛṛenggen-Ne nirumanta maggahatton Tou sassane. “Wal᷊oa'e si yami tingngera sarangkanambone udde sarun mariaddi,” unni mangitou si Tou. “Manga tanda apa apan mamasingkattu darantan Iamangnga wuṛṛu pangudusannu runia indi?”

DARALO 98:9

Ana waugu i Tou nirumanta makkuungngu runia; manga walahanna sarun ṛuungan-Ne ringannu atatul᷊idda wuṛṛu su ṛinone.

REENGANNA 16:34

Anambon taumatan Israel su tampa udde tinumal᷊angnga napawe naaringikka i mangitou mangngintul᷊i “Tal᷊angke! Takka i ite allupannu runia!”

YOEL 3:11

Wette, rantate paasaṛṛawutta, ei manga walahanna wuassu al᷊awo'u pappi'uanne! Paammulle su wawal᷊anne poi.” Oh, Mawu, doloṛṛa'e tantara-Nu mamangalo si mangitou!

ZAKARIA 4:7

Alanganna ere ahewallu wowone lai sarun mairu wuassu saruannu. I'o sarun mabbangunna apia Wal᷊e-U, wuṛṛu sutempo i'o mangaddon batu paarorone su tempane, manga taumata sarun mabbisara ‘Aṛṛamagawe eteapa! ’ ”

MIKHA 1:11

I yamiu tumana'u Safir, roote watukku pamamuanganna ringannu tawe laubba wuṛṛu ringannu apendamma massili! Manga taumatan Zaanan tawe waṛṛini sumabbangnga wuassu soan mangitou. Aintul᷊in tumana'u Bet-Haezel mapal᷊iatta'a si'o manungku poiaroddi taweddu pattallindumanna lai.