ZAKARIA 14:20 - WUKE SUSI WATTI'U AL᷊AL᷊USASSA

²⁰ Su allo udde manga henta su awal᷊o sarun uitannu manga wisara “Niṛṛae hunan Mawu”. Manga awali Wal᷊en Mawu sarun iaregga lai ere manga mangku su saruannu mezbah.

ZAKARIA 14:20 Referans Kwoze

SASABANGNGA 39:30

See lai niola'a hambaranna wuassu wul᷊awanna tutune, tatiala manungku i mangitou buatte niṛṛaen Mawu. Su hambaranna udde ni'uitta manga wisara “Niṛṛae hunan Mawu”.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

YESAYA 23:18

Auntunganna wuṛṛu sewa apan aompaanne sarun tawe iaddo, arawe sarun ionggolli tou su Mawu. Manga taumata apan massubba Mawu sarun mappaattu roitta udde ipamalli anna wuṛṛu laubba apan haggausanni mangitou.

IMAMATTA 8:9

Ana see i tou nama'issu paporongnga su puan i Harun, wuṛṛu su paporongnga udde i tou nangelen lal᷊ogakka wul᷊awanna, apan mattiala manungku i Harun naola'e pussa'an Mawu. Sarangkanambone udde niola'i Musa tumuṛṛuttu parentan Mawu si tou.

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

REENGANNA 4:14

Wuṛṛu su wowone udde ṛinone iandangngi mangitou anambon saranapa apan ipappaatta sulal᷊ummu patataṛṛamawu su mezbah udde; tampan putungnga, saṛṛampanga, sasondo, wuṛṛu pangukasanna lima. Ana see i mangitou ṛinone manaapa sarangkanambone udde ringannu sangkul᷊appa pisi al᷊ussa wuṛṛu manuṛṛin alu papasannane.

REENGANNA 4:7

I mangitou ṛinone mamataddu sambau mal᷊aṛṛenessa ma'elomma su wowon medda tampan doti ia'imbe su Mawu, wuṛṛu su wowon medda udde ṛinone i mangitou mangandangngu lama'a, baki pangadoannu amania, baki tampan sasamba, wuṛṛu wotolla pangadoannu sasamba ua'e anggore. Roti ia'imbe ṛinone sidutu uarandangnga su medda udde.

IMAMATTA 6:28

Urinna leta'a apan nipaatta pallahanna ṛemessa sasamba udde ṛinone pesanganna. Amungkangngu nipaatta udde urinna atta'a, urinna udde ṛinone radassanna ana see ukkasannu ua'e.

SASABANGNGA 37:16

I tou lai na'ola'a manga lama'a, manga halasi, wensadda wuṛṛu manga pangadoannu sasamba ua'e anggore. Anambon asasuungngu medda udde niolangnge wuassu wul᷊awanna tutune.

SONDAPPA 20:6

Lal᷊umanna'a su manga taumata apan niapaawangunna apia su panattaṛṛanne udde. I mangitou wotongnge maola'a pussa'an Ruata. Papate aruane tawe maataṛṛino si mangitou. I mangitou sarun maola'a manga imammu Ruata wuṛṛu manga imammi Kristus; wuṛṛu i mangitou sarun mamarenta suadio'a ringanni Tou saṛṛiwu su tonnane al᷊annune.

SONDAPPA 5:10

I'o suete nandiaddi si mangitou sambau walahannu manga imam sassane, tadea'u i mangitou mangimbe Ruatang kite, wuṛṛu mamarenta su wowon runia.”

SONDAPPA 1:6

wuṛṛu nandiadi si ite sambau walahannu manga imam, apan mangngimbe Ruata, Iamang-Nge. Mawu Yesus Kristus eteudde awantuhanne wuṛṛu uataṛṛino sarangkal᷊o'engnge. Amin!

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

WATTI'U MANGA RASUL 15:9

Ruata tawe mapapaṛṛalang kite wuṛṛu i mangitou. I Tou nangukkassa naungngi mangitou ana waugu i mangitou mangngimanna.

WATTI'U MANGA RASUL 11:9

Arawe tingikka udde nabbisara apia wuassu langitta, ‘Apa apan suete niwala Ruata wotongnge ipaattu taumata imbaṛṛangnga iwal᷊onu palli.’

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

WATTI'U MANGA RASUL 10:15

Arawe tingikka udde nabbisara apia si tou, “Apa apan suete niwalan Ruata wotongnge ipaattu taumata, imbaṛṛangnga iwal᷊onu palli.”

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

OBAJA 1:17

“Arawe su Wowon Sion, sarun piaddu masal᷊amatta, wuṛṛu wowone udde mabbal᷊i tampa apan niaṛṛae huna-U. Ne papapulunni Yakub sarun maatahuanna apia leta'a pussa'an mangitou.

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

1 SAMUEL 2:14

saṛṛampangnga udde ia'usu'a sulal᷊ummu urinna pallahanna ṛemessa, ana see manga apa apan nia'usu'u saṛṛampangnga iadde su liudde maola'a wageangngu imam. Anambon taumatan Israel apan nirumanta su Silo mangngonggolu sasamba niola'a ereudde.

SASABANGNGA 25:29

Pa'ola'e lai manga lama'a, manga mangko, manga wensada wuṛṛu manga mangko pangadoannu sasamba ua'en anggore. Saranapa sarangkanambone wuassu medda udde ṛinone olaanna wuassu wul᷊awanna tutune.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YEREMIA 31:40

Ahewallu wawal᷊anne udde, apan nipaatta naola'a pallabbinganna wuṛṛu tampa pandammeannu sapadda, wuṛṛu anambon wawail᷊anna su wiwikku Sal᷊ukku Kidron maddatingngu Ngara Pasallanganna Awal᷊o watukku ra'i, sarun iṛṛa'e si Ya'u. Soan Yerusalem tate ihohakka apia ara'e ṛimunsaanna.”

YEHEZKIEL 45:1

Tantal᷊anna manga leta'a udde taambe nitahia maola'a leta'a pussa'a suapan ṛuanganna, ṛinone sambau iṛṛae huna Mawu. Leta'a udde al᷊o'engnge ṛinone 12,5 kilometere, wuṛṛu al᷊alakke 10 kilometere. Ahewallu leta'a udde niapasingkatta na'ukkassa.

ZAKARIA 14:19

Eteude ruumanna su Mesir wuṛṛu su anambon balahanna apan maddiri mallaghu ramean Andeangngu Rasannu Rongnga.

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.